Lau gizon kartzelara, Urtezaharrean neska bat taldean bortxatzeagatik Alacanten
19, 21, 22 eta 24 urteko lau gizon kartzelara bidali ditu Alacanteko epaile batek Urtezaharrean 19 urteko emakume bat taldean bortxatzea egotzita.
Hainbat delitu leporatu dizkiete: sexu-erasoaren delitu bat, sexu-abusuaren bi delitu eta intimitatearen kontrako beste delitu bat. Gizonetako batek aurrekariak ditu genero indarkeriagatik eta adingabe bati sexu-gehiegikeriak egiteagatik.
Bortxaketa Callosa d'En Sarria herrian jazo zen, urtarrilaren 1eko goizaldean, eta egun horretan bertan atxilotu zituzten laurak. Guardia Zibilak zehaztu duenez, herriko bizilagun batek ohartarazi zien etxebizitza bateko soto batean eraso bat gertatzen ari zela. Bertaratu zirenean, emakumezko gaztea erdi biluzik topatu zuten agenteek. Mozkor eta, seguru asko, drogaren baten eraginpean zegoen, Guardia Zibilaren hitzetan; izan ere, "ez zekien non zegoen, ezta non bizi zen ere", eta ez zuen azken orduetan jazotakoa gogoratzen.
Neskarekin batera zeuden lau gizonetako hiru berehala atxilotu zituzten, eta handik gutxira hartu zuten atxilo laugarrena.
Biktima Vila Joiosako Marina Baixa ospitalera eraman zuten, osasun-azterketa egin eta arreta psikologikoa eman ziezaioten.
Ikerketaren iturrien arabera, biktimak erasotzaileetako bi ezagutzen zituen, eta haiekin egin zuen topo Benidormen, Gabon zaharreko ospakizunetan. 05:00ak aldera, parrandan jarraitzeko, Benidormeko etxe batera (amaren ezagun baten etxea omen zen) joateko gonbita egin zioten gizonek emakumeari. Bertan zeudela, eta zerbait edan ostean, hasi omen ziren bortxatzen. Biktimak ez omen du ezertxo ere gogoratzen.
Handik Callosa herrira joan ziren, eta emakumea eurekin eraman zuten; biktima "ez zen kapaz bere kabuz ibiltzeko ere", Guardia Zibilaren arabera.
Ikertzaileen esanetan, lau gizonek bideoan grabatu zuten bortxaketa, La Manadako bost kideek 2016ko sanferminetan egin zuten bezala.
Biktima gehiago
Ikerketaz arduratu direnek nabarmendu dutenez, gizonetako batek beste emakume bat bortxatu zuen iazko urrian. Biktimak salaketa jarri zuen.
Horrez gain, lau gizonak taldean egindako bortxaketa gehiagoren egile direla uste dute ikertzaileek: gutxienez bi kasu atzeman dituzte.
______________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.