Fiskaltzak Cabezudoren aurkako zigor eskaera mantendu du
Kote Cabezudo argazkilari donostiarrari lau urteko kartzela-zigorra ezartzea eskatu du gaur Gipuzkoako Fiskaltzak, Justiziari oztopo egitea egotzita. Argazkilaria behin-behineko espetxean dago, bere modelo batzuen kontrako sexu-delituak leporatuta, epaiketaren zain.
Cabezudo erruztatuen aulkian eseri da asteazken honetan aurrenekoz. Auzi nagusitik berezitako epaiketa da; izan ere, modeloei egindako abusuak, iruzurra, sexu-erasoa eta haur-pornografia egotzi dizkiote, besteak beste.
Donostiako Zigor-arloko 1 epaitegiak ateak itxita egin du saioa gaur. Sare sozial batean emakume baten argazki bat biluzik ustez argitaratzeagatik epaitu dute Cabezudo. Donostiako 3 Instrukzio-epaitegian, auzi nagusian aurkezteko erabakia hartu eta egun bat geroago ustez argitaratu zuen emakumearen argazkia.
Mario Diez akusazio partikularreko abokatuak argazkilariari lau urte eta zortzi hilabeteko espetxe-zigorra ezartzea eskatu du gaurko saioan. Cabezudoren ustezko 23 biktima ordezkatzen ditu Diezek. Justiziari oztopo egitea, xantaia eta intimitatearen aurkako delituak leporatu dizkio akusazioak.
“Biktimari egindako xantaia zela ulertzen genuen akusazioek; abisu bat emateko modua: zure materiala esku artean daukat, zuk ikusi”, azaldu du Diezek kazetarien aurrean, Justizia auzitegiaren kanpoaldean. Dozenaka pertsonak elkarretaratzea egin dute, biktimari elkartasuna adierazteko.
Saioan zehar, argazkilariak “guztia” ukatu duela jakitera eman du abokatuak. Data horretan argazkia argitaratzea “kasualitatea” izan zela argudiatu du akusatuak, “kointzidentziaren” ondorio.
Bestalde, 1988. urtetik gaurdaino Cabezudoren biktimak 50 baino gehiago izan daitezkeela esan du abokatuak. Hala ere, Diezen hitzetan, horietako batzuk “ez daude trantze judizialetik pasatzeko prest”.
“Noski, 1988an gertatutako edozein sexu-abusu preskribaturik dago, nahiz eta testigantzek balioa izan”, onartu duenez. “Funtsean, denboran mantendutako jarduera baten isla dira, emakume ezberdinen gainean egindakoa”, erantsi du abokatuak.
Hala eta guztiz ere, oraingoz, emakumeak “deusen biktimak izatea” ukatu du Cabezudok egoitza judizialean, gogorarazi duenez. “Beraren eta bere abokatuaren aurkako biktima guztien konplota planteatu du beti, defentsa estrategia bezala”, gaineratu du Diezek.
Gaurko auzia ebatzi ondoren, auzi nagusitik beste bi pieza berezi dituztela aurreratu du abokatuak. Bietan instrukzioa bukaturik dagoela adierazi du.
Zure interesekoa izan daiteke
Jendetza bildu du Korrikak Maulen
Arratsaldeko 17:00ak baino minutu batzuk lehenago iritsi da Korrika Euskal Herriko lehen hiriburura, Maulera. Gazte zein heldu, jende andana aritu da lasterka lekukoaren atzetik eta une dibertigarri eta politak bizi izan dira Zuberoako hiriburuan. Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.