Abokatu kristauek Fiskaltzara eramango dute Ondarroako gurutze frankistaren eraistea
Espainiako Abokatu Kristauen Elkarteak jakitera eman duenez, Fiskaltzaren aurrean salatuko dute Ondarroan gurutze frankista bat bota izana, "gorroto delitua" izan dela uste dutelako, eta "sentimendu erlijiosoen kontrako delitua" ere bai.
Urtarrilaren 14ean, Ondarroako portutik gertu, Arta muturrean, 1958an eraikitako monumentu frankista bota zuten hainbat ezezagunek. Garai hartako agintariek 'Baleares' gerraontzi frankistan hil ziren ondarrutarren omenez jarri zuten, eta "A los ondarreses que heroicamente dieron su vida por Dios y por España en el crucero Baleares" irakur zitekeen bertan.
Gurutzearen eraistea 49 segundoko bideo batean argitaratu zuten Ernairen twitter kontuan.
Gaur kaleratutako oharrean, abokatu kristauek diote monumentua txikitzea "gorroto delitua" dela, batetik, eta "sentimendu erlijiosoen kontrako delitua eta kalteak eragitea, bestetik". Ondarroako Udalari, gainera, bere lana ez egitea leporatzen diote.
Gauzak honela, Polonia Castellanos elkarte horretako presidenteak "lehenbailehen antzeko monumentu bat jartzeko" eskatu du.
Justiziari esku hartzeko ere eskatu dio Castellanosek, "monumentu erlijiosoak txikitzeko memoria historikoa aitzakiatzat jartzen duten gizarteko sektore laizista horiek ezin baitute inpunitate osoa izan" esan du.
Udalak aurten bota behar zuen
Ondarroako Udalak ez du monumentu hori berriz altxatuko. Duela aste batzuk Eusko Jaurlaritzak berak eskatu zion Udalari monumentua kentzeko, Memoria Historikoaren Legea urratzen zuelako. Orain, egoera berri honetan, "martxan zeuden prozedurak gelditu" eta herritarrekin erabakiko du Udalak bertan zer egingo den.
"Ondarroako Udalaren proposamena da monumentu hori kendu ondoren leku hartan beste oroigarri bat eraikitzea, itsasoan hil diren herritar guztien omenez. Ondarroa bezalako arrantzale herri batek beharrezkoa duelako halako oroigarri bat, eta euren senitarteko bat itsasoan galdu duten familiek ere merezi dutelako halako leku bat", esan du Udalak.
Albiste gehiago gizartea
Bilboko Aireportuan lurreratzekoak ziren zazpi hegaldi desbideratu behar izan dituzte lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera desbideratu dituzte. Horietako bat Madrilera itzuli behar izan da, eta azken bat Zaragozara bidali dute. Loiuko aireportuan zabaldutako laino mardulagatik.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.