Bizkaiko pentsiodunek protestekin jarraituko dute, 'zatiketa saiakeren gainetik'
Bizkaiko pentsiodunen mugimenduak "ahoz batez" erabaki du mobilizazioekin eta asteleheneroko elkarretaratzeekin jarraitzea. Ildo horretan, otsailean, apirilean eta maiatzean 1.080 euroko pentsio duina eskatzeko protestak antolatzen ari direla jakinarazi du.
Horrez gain, pentsiodunen mugimendua "zatitzeko" saiakerak izaten ari direla salatu dute Bilbon astelehen honetan egindako bilkuran. Jose Pereda bozeramaileetako bat da eta plataforma utziko duela iragarri du gaur, mugimendua "politizatzeko" arriskua dagoela iritzita.
Pentsioak % 0,25 igotzea lortu dutela kontuan hartuta eta "EH Bilduri eta Podemosi hauteskunde-kanpaina egitea saihesteko" asmoz, protestak amaitzeko unea dela esan du Peredak manifestarien aurrean hitza hartu duenean.
"Bizkaiko pentsiodunen izen ona babesteko egin ditut adierazpenok; jende askok eskatu dit hori esatea, kontzentrazioetara joateari utzi diolako", erantsi du. Mugimenduari zorte ona opatuz joan da Pereda.
Ondoren, Jon Fano bozeramaileak hartu du hitza. Peredaren iritzia errespetatzen duela esan du, "baina gure aldarrikapenekin aurrera jarraitzeko plataformak aho batez hartu duen erabakia ere errespetatzekoa da". "2020tik aurrera ez dugu KPIa ziurtatuta, eta gauza batzuk lortu baditugu ere, gure helburuetatik oso urrun gaude", gogoratu du.
Fanok azaldu duenez, maiatzerako mobilizazio bat antolatzen ari dira Madrilen, Estatuko gainerako plataformekin elkarlanean. Halaber, Espainiako Gobernuarekin eta Kongresuko talde parlamentarioekin elkarrizketa zuzenak izateko bideak ireki nahi dituzte.
Bestalde, Andrea Uña bozeramaileak salatu du "pentsiodunen mugimendua zatitzeko asmoz" komunikabide batzuek Peredaren adierazpenak manipulatu egin dituztela.
Horrela bada, batasunerako deia egin die pentsiodunei: "Gure mugimendua zatitzeko saiakerak egiten ari dira, mobilizazioak bertan behera utz ditzagun. Ezin dugu horrelakorik onartu".
"Leloak bagina bezala tratatzen gaituzte, baina guk gure kabuz pentsatzen dugu eta gure aldarrikapenei eutsiko diegu", azpimarratu du.
Bestalde, Bizkaiko pentsiodunen plataformak astearte honetan bilduko dira, datozen hilabeteetan eman beharreko urratsak erabakitzeko.
Espainiako Gobernua mugiaraztea izango da helburu nagusietako bat. "Bizkaia ez da geldituko, Bilbo mugimendu honen motorra delako, eta behar adina mobilizazio egingo ditugu pentsio duinak lortu arte", nabarmendu du Victor Etayok.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.