Pentsiodunek mobilizazio handi bat egingo dute maiatzeko hauteskundeak baino lehen
Hego Euskal Herriko pentsiodunak mobilizazio handi bat prestatzen ari dira maiatzerako. Data oraindik ez dute zehaztu, baina maiatzaren 26ko udal, foru eta Europako hauteskundeak egin baino egun batzuk lehenago izango da.
Araba, Bizkaia, Nafarroa eta Gipuzkoako pentsiodunen elkarteetako ordezkariek bilera egin dute gaur, Gasteizen, pentsio duinak aldarrikatzen jarraitzeko aurrera eramango dituzten ekintzak aztertzeko.
Mobilizazio handia ez dute hiri bakarrean egingo, Hego Euskal Herriko hiriburu guztietan baizik. Espainiako beste elkarteekin batera egiten saiatuko direla azaldu du Juan Antonio Armentia Arabako plataformaren bozeramaileak.
Euskal pentsiodunek elkarretaratzeak egingo dituzte astelehenero, eta baita beste protesta batzuk ere, larunbat honetan Bilbon egingo duten manifestazioa esaterako.
Gasteizen, pentsiodunak urtarrilaren 21erako gutunak prestatzen ari dira, hilaren 28an Espainiako Gobernuak Euskadin duen Ordezkaritzari entregatzeko.
Bestalde, EH Bildu eta Unidos Podemoseko talde politikoekin Kongresuan biltzea eskatuko dute pentsiodunek, Armentiak erantsi duenez; izan ere, oraingoz biltzeko borondatea agertu duten bakarrak dira.
Pentsiodunen bilera, Gasteizen. Argazkia: EFE
Zentzu horretan, Iñigo Urkullu lehendakaria pentsiodunekin ez batzartzea deitoratu du bozeramaileak, nahiz eta gutun batean eskatu zioten. Bilera Beatriz Artolazabal Enplegu eta Gizarte Politiketarako sailburuaren esku utzi zuen Urkulluk, baina oraindik ez da elkarteekin harremanetan jarri, Armentiak zehaztu duenez.
Pentsiodunen lau elkarteek egindako agirian, iragan asteartean mobilizazioak hasi zirenetik urte bat bete zela gogorarazi du kolektiboak. Denbora tarte horretan pentsiodunen eskakizunak agenda politikoan sartu direla azpimarratu dute.
2018an pentsioek orokorrean % 1,7 gora egitea lortu dute, eta % 1,6a 2019an. Era berean, gutxieneko pentsioek % 3ko gorakada izan dute. Gainera, alargunen soldata kalkulatzeko oinarria % 56tik % 60a izatera pasa da. Azkenik, jasangarritasun faktorea 2023ra arte luzatzea lortu dute.
“Urrats mugatu” horiek euren aldarrikapenetatik “oso urrun” daudela erantsi dute kolektiboek: KPIaren arabera pentsioen igoera etengabea, 1.080 euroko gutxieneko pentsioa eta jasangarritasun faktorea behin betiko indargabetzea.
Pribatizazioaren aurrean pentsio sistema publikoa bermatzea eta bultzatzea eskatzen dute elkarteek.
“Lortzeko mobilizazioei eustea ezinbestekoa da. Datozen hilabeteen garrantziaren jakitun gara, are gehiago maiatzean hauteskundeak egin behar direnean”, gaineratu dute agirian.
“Alderdi guztiak, behintzat, gure eskaeren aurka ez azaltzen saiatuko dira”, adierazi dute.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.