VTC ibilgailuak ordubete lehenago alokatu beharko dira Euskadin
Gidariekin alokatzen diren ibilgailuak (VTC) ordubete lehenago erreserbatu beharko dira Euskadin, "kasu berezietan" salbu: larrialdietan, istripuetan...
Astearte honetan bilera egin dute Gasteizen Eusko Jaurlaritzako ordezkariek, Taxiaren Euskal Federazioak eta VTC zerbitzuetako arduradunek, araudi berriaren nondik norakoak zehazteko, iragan astean "istilurik" ez egotea eta sektorearen araudia negoziatzea adostu ostean.
Esan bezala, gaurko batzarrean neurri orokor batzuk hitzartu dituzte, besteak beste, zerbitzua gutxienez ordubete lehenago alokatzea. Gainera, VTC ibilgailuak ezingo dira bidaiari bila ibili, eta horien kokapena enpresak soilik ezagutuko du, inoiz ez bezeroak.
Horixe da, hain zuzen, Janire Bijueska Eusko Jaurlaritzako Garraio Planifikaziorako zuzendariak bileraren ondotik jakinarazi duena. Erdietsitako akordioa "arrakastatsutzat" jo du Bijueskak, alde guztiek erakutsi duten "borondatea" azpimarratuta. Jaurlaritzarentzat "istiluak saihestea" zen lehentasun nagusia.
Madrilen eta Bartzelonan ez bezala, Euskadin gaur-gaurkoz ez dago Uber eta Cabify zerbitzurik, ezta taxilarien eta VTC enpresen arteko iskanbilarik ere.
Hala eta guztiz ere, sektore horiek guztiak aldian-aldian batzen dira, araudia zehazte aldera. Esan bezala, gaurko honetan "kontu orokorrenak" itxi dituzte, baina aurrerago bilera gehiago deituko dituzte, araudiari azken zertzeladak emateko.
Bien bitartean, VTC ibilgailuek alokatutako zerbitzuaren dokumentazioa eraman beharko dute kasu guztietan, zerbitzua erreserbatzeko orduan hitzartutako gutxieneko ordubetea errespetatu dela konprobatu ahal izateko. Izan ere, aurretiaz alokatutako zerbitzua betetzen ari dela erakutsi ezean, garajera itzuli beharko dira VTC ibilgailuak. Hori da, besteak beste, gaur adostutako neurrietako bat.
Zure interesekoa izan daiteke
Gizon bat atxilotu dute emakume bati sexu-erasoa egitea egotzita, Tolosan
Astelehen honetan, otsailaren 16an, biktimak salaketa jarri zuen Ertzaintzan, eta asteartean ustezko erasotzailea atxilotu zuten.
Gizon bat atxilotu dute Xilxesen (Castelló), emazte ohia eta bien alaba hil duelakoan
Hasiera batean emazte ohiarekiko urruntze agindua urratzeagatik atxilotu zuten gizonari ustezko bi hilketa egotzi dizkiote, eta kasua Indarkeria Matxistako epaitegira eramango dute.
Kermanen familiak eskatu du atezainak gehiago kontrola dezatela eta epaiketa "osoa" egin dezatela, Mitika dantzalekuko krimenagatik
Arantza Beitia eta Roberto Villate, Kermanen ama eta aita, Eusko Legebiltzarreko Erakunde, Gobernantza Publiko eta Segurtasun Batzordean izan dira asteazken honetan, semearen heriotzaren prozesu judiziala zein egoeratan dagoen azaltzeko eta Ganberaren laguntza eskatzeko, horrelako gertaerak berriro gerta ez daitezen.
Gora egin du jaiotzen kopuruak EAEn, hamarkada batean lehen aldiz; hala ere, saldo begetatiboa negatiboa izan zen iaz
Iaz, 2024an baino 394 haur gehiago jaio ziren Euskadin, baina hildakoen kopuruak ere gora egin zuen. Nafarroan behera egin dute bi balioek, eta saldo begetatiboa negatiboa izan da Foru Erkidegoan ere.
Aldiriko tren baten ardatz bat irten da Zabalburun eta horrek atzerapenak eragin ditu C1 eta C2 lineetan
Gertaera goizeko lehen orduan izan da, Bilbon, eta aldirietako zerbitzuen ohiko zirkulazioari eragin dio.
Albiste izango dira: "Memoriaren indarra" soinu-dokumentala, ramadana hasiko da eta abisu horia haizeagatik
Gaurkoan Orain-en albiste izango direnen laburpena, bi hitzetan.
Musulmanen komunitateak ramadana hasiko du gaur, baraualdia eta hausnarketa ardatz dituen hilabetea
Euskadin, esaterako, katolikoa ez den konfesio nagusia da, biztanleen % 4k inguru praktikatzen dute. Gogoeta espiritualak eta komunitateko bizimoduak markatutako garaia hasiko dute gaur.
'Oroimenaren indarra', Martxoaren 3ko sarraskiari buruzko audio eta elkarrizketa bilduma
Martxoaren 3ko sarraskiaren 50. urteurrenean, Radio Vitoriak hamar ataleko dokumentala ondu du, elkarrizketa esklusiboak eta sekula argitaratu gabeko audioak biltzen dituena. Gaur aurkeztu dute proiektua Gasteizko Villa Suso Jauregian, Ismael Diaz de Mendibil eta Pilar Ruiz de Larrea kazetariek aurkeztutako ekitaldi batean. Lehenengo atala bihar emitituko da; aurrena, Radio Vitorian eskainiko da, eta ondoren, Guau plataforman jarriko dute entzungai.
Espainiako Gobernuak dio aitortu egin duela martxoaren 3ko sarraskia "Estatuaren errepresio basatia" izan zela
Gorka Elejabarrieta EH Bilduren senatariaren galderei erantzunez, Angel Victor Torresek esan du memoria historikoaren eta demokratikoaren legeek biktimak barne hartzen dituztela, eta Zaramagako eliza sarraskiaren 50. urteurrenean oroimen demokratikoaren leku izendatuko dutela.
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon ostean. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.