Gora egin dute sexu-delituek eta delinkuentziak Hego Euskal Herrian
Espainiako Barne Ministerioak argitara eman berri du 2018ko kriminalitatearen balantzea, eta, horren arabera, Hego Euskal Herriko lurralde guztietan areagotu dira lege-hausteak.
Guardia Zibilak, Polizia Nazionalak, Ertzaintzak eta Foruzaingoak Estatuko Kriminalitate Sistema Estatistikoari emandako datuen arabera, Araban iaz 12.772 delitu izan ziren, aurreko urtean baino % 5,2 gehiago; Bizkaian, 53.631 delitu, % 8,9 gehiago; Gipuzkoan 23.811 delitu, %6,9 gehiago, eta Nafarroan 27.287 delitu, aurreko urtean baino % 9,9 gehiago.
Indarkeria erabiliz egiten diren lapurretak izan ziren gehien errepikatu ziren delituak, baina igoera handienak beste mota batzuetako delituetan izan ziren.
Araban gehien hazi diren delituak sarketa bidezko sexu erasoa (% 120ko igoera, 2017ko 5 kasuetatik 11ra igota), hilketak (% 100ko igoera, kasu batetik bira igarota), eta droga-trafikoa (% 52,2k igoera, 47 kasutik 72ra) izan ziren.
Gasteizen 3.781 delitu izan ziren, aurreko urtean baino % 3,7 gehiago. Lurralde osoan bezala, lapurretak izan ziren gehienak, baina igoera nagusia sexu-delituek izan zuten. Hemen taula zehatza (edukia gaztelaniaz):
Bizkaiari dagokionez, hilketek % 33ko igoera izan zuten, hilketa saiakerek % 40koa, indarkeria erabilitako lapurretek % 23,5 eta sexu delituek % 15 ingurukoa.
Bilbon 21.664 delitu izan ziren, aurreko urtean baino % 10,4 gehiago. Delinkuentziak % 3,8 egin zuen gora Leioan eta % 2,4 Santurtzin.
Aitzitik, % 3,8 egin zuen behera Barakaldon, % 8,4 Basaurin, % 3 Getxon eta % 3,9 Portugaleten.
Taula honetan Bilboko datu zehatzak ageri dira (edukia gaztelaniaz):
Gipuzkoari dagokionez, hauek dira gehien igo ziren delituak: sarketa bidezko sexu erasoa (% 68 gehiago), askatasun sexualaren kontrako delituak (% 58,5 gehiago) eta sexuarekin zerikusia duten beste delituak (% 56,4 gehiago)
Donostian 5.971 delitu izan ziren 2018an, 2017an baino % 12,2 gehiago. Errenterian % 4,25 gehiago eta Irunen % 1,4 jaitsi zen delitu kopurua, nahiz eta sexu delituak % 200 eta % 500 artean igo.
Hemen, Donostiako delituen taula zehatza (edukia gaztelaniaz):
Nafarroan bahiketak dira gehien igo diren delituak: % 200, hain zuzen ere (2017an 1 izan zen eta 2018an 3), hilketak % 57,1 (7 kasutik 11ra) eta sarketa bidezko sexu erasoak % 24,1 (29 kasutik 36ra). Indarkeria erabiliz egindako lapurretek, aldiz, % 41 egin zuten behera.
Iruñean 12.188 delitu egin ziren iaz, eta kriminalitateak % 8,7 egin zuen gora. Tuteran, berriz, % 11,5. Iruñean, hilketak izan ziren iaz gehien igo ziren delituak eta Erriberan, droga-trafiko kasuak.
Datu guztiak hemen.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.