Mediterraneoko 'migrazio holokaustoa' salatu du Ongi Etorri Errefuxiatuak plataformak
Ongi Etorri Errefuxiatuak plataformak Europako gobernuen "pasibotasuna" salatu du Mediterraneo itsasoan gertatzen ari den "migrazio holokaustoa"ren aurrean. Plataformaren hitzetan, azken 25 urteotan 35.000 pertsona migratzaile hil dira itsaso horretan.
Heriotzok Bilbon goizean egin duten protesta ekintza batekin gogoan hartu nahi izan ditu elkarteak. Lore-koro bat paratu dute atzerri bulegoaren aurrean.
Dani Gutierrez Ongi Etorri Errefuxiatuak plataformako bozeramaileak alderdi politikoei zuzendu zaie, eta eskatu die egoeraren larriaren aurrean "esku har dezaten, eta alda ditzatela migrazio politikak, heriotza politikak baino ez diren horiek".
'Aita Mari' erreskate ontziaren egoera ere salatu du Gutierrezek. Ontzia ez atzera ez aurrera dabil Algecirasetik gertu, Portugalen baimena izan arren, Espainiako Itsas Agintaritzak Espainiako Estatuko portu batean geratzeko eta beharrezko baimena eskuratzeko eskatu diolako.
"Beste jarrera bat behar dugu, giza eskubideen, bizitzaren eta duintasunaren aldeko jarrera bat", azpimarratu du. Gutierrezek gogor salatu du PSOEren Gobernuak auzi horretan egindako kudeaketa: "Ustez ezkerreko gobernua da. Zer gertatuko litzateke eskuineko bat balego?".
Azkenik, maiatzaren 5ean Durangon egingo duten ekitaldi batean parte hartzeko deia egin du Gutierrezek: "Herrien, Pertsonen eta Giza Eskubideen Besarkada" lelopean antolatutako ekimen europarrean, alegia.
Albiste gehiago gizartea
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.
Eusko Jaurlaritzak zortzigarren urtez ospatu du Euskal Diasporaren eguna
Markina-Xemeingo ekitaldiak omenaldia egin dio zesta-puntari; hain zuzen ere, euskararen izena mundu osoko pilota lekuetara eran duten pilotariei.
Erraldoien dantza ikusgarriek Iruñeko katedrala hartu dute, burguen batasuna lortu zuen ituna ospatzeko
Gaur 602 urte izenpetu zuen Karlos III.a Erregeak. San Zernin, Nabarreria eta San Nikolas izeneko burguak batzeko ituna, Iruñea hiria sortuz. Ospakizun ugari antolatu dituzte, tartean, gaur egin den erraldoien ikuskizuna katedralean.
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.