Gutxienez 1.500 etorkin hil dira Mediterraneoko uretan urte hasieratik

Gutxienez 1.500 etorkin hil dira Mediterraneoan 2018 hasieratik, urtarriletik uztailera bitartean kopuru horretara heltzen den bosgarren urtea jarraian. Libia eta Italia lotzen dituen ibilbidea Europara heltzen saiatzen diren pertsonentzako hilgarriena da; izan ere, 19 pertsonatik batek bizitza galtzen dute saiakera horretan, Migraziorako Nazioarteko Erakundeak azaldu duenez.

Espainiak ia 21.000 etorkin hartu ditu urte hasieratik, iaz baino gehiago dagoeneko. Jadanik Espainiak Italia gainditu du, eta helmuga gustukoena da.

Guztira, 55.000 etorkin inguru heldu dira Europako kostaldera 2018an. Iaz urteko epe berdinean bikoitza baino gehiago heldu ziren: 111.753 pertsona.

Ontziak erreskatatzeko portuak itxi ditu Italiako Gobernuak. Hala ere, 18.130 etorkin inguru hartu ditu Italiak aurten. Libiatik heldu dira itsasoz. Gainerakoak Grezia, Malta eta Ziprera jo dute.

“Bi gauza azpimarratzea garrantzitsua da: nahiz eta Italiara oso pertsona kopuru txikia heldu, heriotza-tasa krisia hasi zenetik puntu gorenean dago; izan ere, 1.000 pertsonatik bat hiltzen da saiakeran”, ohartarazi du Joel Millman Migraziorako Nazioarteko Erakundearen bozeramaileak prentsaurrekoan.

1.500 hildakoei dagokionez, “azken urteetan aldi bakarrean heldu gara marka horretara uztaila ondoren, eta 2014an izan zen, krisi humanitarioa hasi berria zenean”, baieztatu du Millmanek.

Espainiara bidean, Mediterraneo mendebaldeko ibilbidean 70 pertsonatik ia batek galtzen du bizitza, Millmanek deitoratu duenez.