Euriteek gutxienez hildako bat utzi dute Katalunian
Urak eraman zuen Olivellan, eta ibilgailutik 500 metrora aurkitu zuten. Babes Zibilak Es-Alert bat bidali zuen euri jasagatik, eta Levante-Athletic partida bertan behera utzi zuten.
Azken orduetan Katalunian eta Espainiako Estatuko ekialdeko beste toki batzuetan izandako euriteek gutxienez hildako bat utzi dute.
Larrialdi zerbitzuek gizon baten gorpua aurkitu dute ostegun goizaldean Olivellan (Bartzelonako Garraf eskualdea) bere ibilgailua zegoen tokitik 500 metrora, uholde batek eramanda, Kataluniako suhiltzaileek jakitera eman dutenez.
Generalitateko Babes Zibilak Es-Alert mezua bidali zuen 23:10 aldera Baix Llobregat, Mendebaldeko Valles, Garraf, Alt Penedes (Bartzelona) eta Baix Penedes (Tarragona) eskualdeetako telefono mugikorretara, ostegun goizaldeko ordubatera arte euri jasa handia botako zuelako.
Bat-bateko uholdeen arriskuaz ohartarazten zuen mezuak aholku hauek ematen zituen: joan-etorrietan kontu handiz ibiltzea, agintarien jarraibideak betetzea eta, arriskuan egonez gero, 112 telefonora deitzea.
21:30 inguruan, antzeko mezu bat bidali zuten Barcelones eta Maresme (Bartzelona) eskualdeetako sakelakoetara.
Valentzian ere euri zaparrada handiak izan dira, Valentzia hiriaren inguruan bereziki. Esaterako, metro koadroko 85 litro utzi ditu L'Elianan, 70 ordu erdian.
Eurite horiek arazoak eragin dituzte errepideetan eta garraio publikoan. Murtzian, klaseak bertan behera utzi dituzte eskualdeko 45 udalerrietatik 15etan 15:00ak arte.
Valentzian, Levante UD eta Athletic Club taldeek asteazken honetan, 21:30ean, jokatu behar zuten partida, EA Sports 2026-2027 Ligako seigarren jardunaldiari zegokiona, bertan behera geratu zen, euri zaparrada handia botatzen hasi zenean.
Zure interesekoa izan daiteke
Bengoetxea: "Epaia sakon aztertuko dugu, helegitea aurkeztu edo ez erabaki eta moldatzen ari garen dekretua hobetzeko"
Oporrak baimenik gabe 17 egunez luzatu zituen langile baten kaleratzea berretsi du Nafarroako Justizia Auzitegi Nagusiak
Egunean zenbat ordu igarotzen dituzte haurrek eta nerabeek pantailen aurrean?
Bi pertsona atxilotu dituzte Ceutan, baldintza penagarrietan eta dirutza kobratuta migratzaileei "ostatu emateagatik"
Hondarribiko jaietan hiru eraso matxista gertatu direla salatu du Udalak, eta bi gizon atxilotu dituzte
Gizon bat atxilotu dute Berriozarren, labanak eskuan hartuta bikotekide ohiarekiko urruntze agindua urratzeagatik
Gasteizko Alde Zaharra birgaitzeko plan berriak 35 hotel jartzea baimenduko du
Iaz baino sagar gutxiago bilduko dira aurten, baina indar handia dakarte sagardorako
