Bi pertsona atxilotu dituzte Ceutan, baldintza penagarrietan eta dirutza kobratuta migratzaileei "ostatu emateagatik"
Biak ala biak erakunde bateko kide ziren, eta asmo zuten hirira heldu berriak ziren migratzaileei dirua "lapurtzea". Izan ere, garaje batean lo egitearen truke, hilabetean 900 euro kobratzen zizkieten.
Polizia Nazionalak bi lagun atxilotu ditu Ceutan, migratzaileen egoera zaurgarriaz profitatuz etekin ekonomikoak lortzeagatik. Biak ala biak erakunde bateko kide ziren, eta asmo zuten hirira heldu berriak ziren migratzaileei dirua "lapurtzea". Izan ere, garaje batean lo egitearen truke, hilabetean 900 euro kobratzen zizkieten.
Poliziak ohar baten bidez jakinarazi duenez, erakunde horrek, halaber, aukera ematen zien migratzaileei, 6.000 euro ordainduz gero, penintsulan legez kontra sartzeko.
Garaje komunitario batean atzera eta aurrera zebilen migratzaile kopuru handiaz jabetuta, Polizia ohartarazi zuten zenbait bizilagunek, eta orduantxe hasi zuten agenteek ikerketa. Dirudienez, lurrean etzanda egiten zuten lo, autoak aparkatzeko tokietan.
Ikerketan bildutako lekukotzen arabera, egunean 30 euroan eskaintzen zizkieten migratzaileei garaje plazak, trastelekuak zein lo egiteko baldintza egokiak ez zituzten beste espazio batzuk.
Momenturen batean, aparkaleku berean, 20 bat pertsona batu ziren, Poliziaren esanetan.
Bestalde, bost eta hamar euro artean kobratzen zizkieten migratzaileei sakelako telefonoak kargatzeagatik.
Jasotako testigantzen arabera, hiltzeko mehatxuak ere egin zizkieten, gertatzen ari zena isilean gorde zezaten eta Poliziari ezer kontatu ez ziezaioten.
Zure interesekoa izan daiteke
Hondarribiko jaietan gertatutako hiru eraso matxista salatu ditu Udalak, eta bi gizon atxilotu dituzte
Udalak indarkeria matxistaren adierazpen guztiak "irmo" gaitzetsi ditu. Bestalde, Ertzaintzak 21 eta 42 urteko bi gizon atxilotu ditu, sexu erasoa eta emakumeen aurkako indarkeria leporatuta, hurrenez hurren. Halaber, hirugarren pertsona bat ikertzen ari dira.
Gizon bat atxilotu dute Berriozarren, labanak eskuan hartuta bikotekide ohiarekiko urruntze agindua urratzeagatik
Bikotekide ohiari eraso egiten saiatu ondoren, garaje bateko segurtasun kamerak kendu eta emakumearen ibilgailuaren gurpilak zulatu zituen.
Gasteizko Alde Zaharra birgaitzeko plan berriak 35 hotel jartzea baimenduko du
Alde Zaharraren 'Birgaitze Integraturako Plan Berezia' izeneko ituna adostu dute PSEk, EAJk eta PPk. Plan horren arabera, lekuz aldatuko diren tabernei lizentzia mantenduko zaie, eta eraikin osoetako 35 hotel, gehienez jota, jarri ahalko dira.
Iaz baino sagar gutxiago bilduko dira aurten, baina indar handia dakarte sagardorako
Sagar uztaren aurkezpena egin dute Villabonako Otalarre sagastian; izan ere, lehortea dela eta ohi baino lehenago hasi dira batzen aurten sagarra. Unai Agirre Euskal Sagardoa Jatorri Deiturako koordinatzaileak adierazi duenez, iazkoarekin alderatuta, % 60 murriztu da bildutakoa. Guztira, milioi bat eta erdi kilo jasotzea aurreikusi dute. Usain eta gustu handia izango dutenez sagarrek, sagardoak alkohol gehiago izango du.
EAEko Justizia Auzitegi Nagusiak baliogabetu egin du euskal administrazioan euskararen erabilera arautzen duen dekretua
Euskal Autonomia Erkidegoko Auzitegi Nagusiak memoria ekonomikoan dauden gabeziengatik baliogabetu du Voxek errekurritu zuen araua.
Ehun bat ikuskapen egin dituzte uda honetan EAEko udalekuetan
Eusko Jaurlaritzak hiru ikuskatzaile-plaza sortu zituen, Bernedoko udalekuetan adingabeen sexu-askatasunaren aurkako ustezko delituak salatu ondoren.
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borroka batean jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.