Oporrak baimenik gabe 17 egunez luzatu zituen langilearen kaleratzea berretsi egin du Nafarroako Justizia Auzitegi Nagusiak
Epaitegiak neurrizkotzat jo du kaleratzea, langileak ez baitzuen baimen egiaztaturik eta haren absentziak kalte ekonomikoak eta antolakuntzakoak eragin baitzizkion enpresari.
Nafarroako Justizia Auzitegi Nagusiko (NJAN) Lan Arloko Salak langile baten kaleratzea berretsi du, 17 egunez baimenik eta justifikaziorik gabe lanean huts egin zuelako. Enpresak ezarritako oporraldia amaitu ondoren ez zen lanera itzuli, eta atzerrian egon zen.
Epaiak Iruñeko Auzitegiko Lan Arloko 3. atalak joan den otsailean emandako ebazpena berretsi egin du. Hala ere, erabakiaren aurrean Auzitegi Gorenean doktrina bateratzeko kasazio-errekurtsoa jar daiteke.
Oporraldia amaitu eta ez zen lanera itzuli
Arotzeria-lanak egiten dituen enpresak urteko egutegia ezarri zuen langile guztien oporrak zehazteko. Egutegia aldagelan jarri zuten, langile guztien eskura.
2025ean, udako oporrak uztailaren 7tik 18ra eta abuztuaren 18tik 29ra ezarri zituzten. Langilea, peoi lanetan, uztailaren 8an joan zen oporretan, eta abuztuaren 11ra arte ez zen itzuli.
Uztailaren 21ean amaitu zen zegokion oporraldia, baina behargina ez zen lanera itzuli. Hurrengo egunean, enpresak zehapen-espedientea ireki zuen eta langilearekin harremanetan jartzen saiatu zen, baina ez zuen lortu.
Langilearen absentziak kalte ekonomikoak eta antolakuntzakoak eragin zizkion enpresari; izan ere, hainbat lan eta eskaera bertan behera utzi edo baztertu behar izan zituen.
Langileak alegatu zuen nagusiarekin uztailaren 7tik abuztuaren 12ra bitartean oporrak hartzea adostu zuela. NJANek, ordea, nabarmendu du hori ezin izan dela egiaztatu.
Hiru egunetik gorako absentzia, falta oso larria
Salak neurrizkotzat jo du kaleratzea, dagokion hitzarmen kolektiboak falta oso larritzat jotzen baitu hilabete berean hiru egunetik gora justifikaziorik gabe lanera ez joatea. Kasu honetan, langileak 17 egun egin zituen lanera joan gabe.
Magistratuek gaineratu dute langilearen antzinatasunak eta aurretik zehapenik jaso ez izanak ez dutela zigor arinagoa ezartzea justifikatzen, enpresari eragindako kaltea eta arau-haustearen larritasuna kontuan hartuta.
Zure interesekoa izan daiteke
Gizon bat atxilotu dute Bilbon, bikotekideari eta horri laguntzen saiatu zen gizon bati eraso egiteagatik
Uholdeak Zazpikaleetan: sareak ezin du horrenbeste ur hartu, Bilboko Udalaren arabera
Kadeteen bi partidatan izandako"ezohiko" emaitzak Fiskaltzara eraman ditu Gipuzkoako Futbol Federazioak
Kimikako Nobel saria Kagan eta Soairentzat, molekula organikoen asimetria argitzen egindako lanagatik
Riderrak, euripean lanean: erabiltzaileok erantzukizunik dugu?
Etxebizitzen alokairuarekin ustez iruzur egiten zuen gizona atxilotu dute, EITBk kasuaren berri eman ostean
Supermerkatuetan lapurretak egiten zituen talde bat desegin dute eta 10.000 produktu berreskuratu dituzte
Hiru gizon gaztek eraso fisikoa eta sexuala egin diote neska adingabe bati Zumaian
Harri puska handi bat hormatik askatu eta lurrera erori da Eako kaian
