Ezkontza kopurua % 8,4 gutxitu da Euskadin urteko lehen hiruhilekoan
Guztira 1.160 ezkontza egin dira lehen hiruhilekoan, Eustaten arabera, eta Araban eta Gipuzkoan murriztu da kopurua gehien. Azken hamarkadetan bezala, ezkontza tradizionalen zenbatekoak nabarmen egin du behera; izan ere, bikoteek beste eredu batzuen alde egiten dute. Ezkontzen % 97 zibilak izan dira, eta % 3, erlijiosoak.
Bikote bat, kalean, paseoan. Europa Pressen artxiboko argazkia
Estatistikek garbi erakusten dute: gero eta ezkontza gutxiago egiten dira Euskadin. Urteko lehen hiruhilekoan, 1.160 ezkontza egin ziren; hau da, 2025eko tarte berean baino % 8,4 gutxiago (106 ezkontza gutxiago), Eustat Euskal Estatistika Erakundeak emandako datuen arabera.
Jaitsiera nabarmenenak Araban eta Gipuzkoan izan dira. Lehenengoan 139 ezkontza egin ziren (% 19,7 gutxiago), eta bigarrenean, 377 (% 14,7 gutxiago). Bizkaian, guztira, 599 ospakizun egin ziren, % 1,2 gutxiago.
Ezkontzeko moduei dagokionez, ezkontza tradizionala etengabe ari da garrantzia galtzen. Ezkontzen % 97 zibilak izan ziren, eta % 3, erlijiosoak.
Ezkontza guztietatik, 1.109etan andre-gizon artekoak izan ziren, eta 51 sexu berekoen artekoak (28 ezkontza emakumeen artekoak eta 23 gizonen artekoak).
Hilabeteei erreparatuz gero, loturen % 42,8 martxoan egin ziren, % 30,8 otsailean eta % 26,4 urtarrilean. Ezkongaien adinari dagokionez, senarren % 90,7k eta emazteen % 87,1ek 30 urte edo gehiago zituzten.
Ezkongai gehienak aurretik ezkondu gabe zeuden: gizonen % 79,6 eta emakumeen % 80,6. Nolanahi ere, 15 gizon alargun eta 213 gizon dibortziatu ezkondu ziren; eta emakumeen artean, 9 alargun eta 208 dibortziatu.
Nazionalitateari dagokionez, ezkontideen % 15 atzerritarrak ziren; zehazki, gizonen % 15,8 eta emakumeen % 16,3.
Zure interesekoa izan daiteke
Urdako tren istripuan hildako 69 biktimen aldeko hileta elizkizuna
Renfeko makinisten grebak kaltetutako bidaiariak: "Ez genekien greba zegoenik"
Denda batzuek erakusleihoak estali dituzte, azaroaren 11ko greban gerta daitezkeen istiluen beldur
?fmt=webp-alpha&qlt=80)
Gidari bat atxilotu dute Trapagaranen, kontrol batetik ihes egin eta Ertzaintzaren patruila baten aurka talka egin ondoren
EAEko Protoiterapia Unitatea 2028an abian jartzeko mugarrietako bat gainditu dute gaur
Espainiako Gobernuak familia ugarien onurak ematen dizkie bi seme-alaba dituzten guraso bakarrekoei
Protoi-azeleragailuaren pieza nagusiak Donostiara iritsi dira, minbizia zehaztasun handiagoz tratatzeko
Bizkaiak eutsi egingo dio garraio-abonuetarako % 20ko beherapenari 2027an
Ayesa Digital uholdeak aurreikusteko eta kalteak murrizteko proiektu bat garatzen ari da, konputazio kuantikoaren bidez
