Bi ertzain ikertu dituzte Getxoko ertzain-etxean emakume bati erasotzeagatik
Bi ertzainek ikertu gisa deklaratu dute Getxoko Lehen Auzialdiko eta Instrukzioko 4. Epaitegian, udalerri horretako ertzain-etxean 2018ko maiatzean atxilotutako emakume bati eraso egiteagatik, El Correo egunkariak jakitera eman duenez.
Segurtasun Saileko iturriek ez dute gertatutakoari buruzko xehetasunik eman, baina iazko maiatzeko gertaera azaltzen saiatu dira.
Aipatu egunkariak argitaratutakoaren arabera, emakume eta gizon batek deklaratu zuten otsailaren amaieran. Antza denez, 2018ko maiatzaren 26an gertatutakoa ertzain-etxeko kamera batek grabatu zuen.
Egun horretan, "eskale" bat identifikatzera joan zirenean atxilotu zuten 42 urteko emakumea, agenteei aurre egiteagatik.
Hain zuzen ere, biktima ertzain-etxera eramateaz arduratu ziren bi ertzainak dira auzi honetan ikertzen ari direnak. Izan ere, horietako batek zaplazteko bat eta hiru ukabilkada eman zizkion emakumeari, agenteek emandako aginduak ez omen zituelako bete.
El Correoren arabera, inputatutako bi ertzainek lesioak egiteagatik eta agintaritzaren aurkako atentatuagatik salatu zuten emakumea. 2018ko maiatzaren 27an jarri zuten salaketa, eta handik gutxira biktimak bi agenteak salatu zituen.
Hori dela eta, otsailaren amaieran ikertu gisa deklaratu zuten biek. Epaiketan, emakumea kolpatu zuen agenteak esan zuen bere lankidearen "segurtasuna kolokan" ikusi zuelako jo zuela atxilotua. Beste ertzainak, berriz, zera adierazi zuen: "Haien arteko tirabira gelditzen saiatu nintzen, baina ez nuen kolperik ikusi. Oso arin gertatu zen dena".
Gertatutakoa "argitzeko" "erabateko borondatea" adierazi du Segurtasun Sailak
Albistea publiko egin ostean, Eusko Jaurlaritzako Segurtasun Sailak Getxoko ertzain-etxean gertaturikoa "argitzeko" "erabateko borondatea" agertu du, Segurtasun Sailak Europa Press albiste agentziari adierazi dionez.
Dena den, Segurtasun Sailetik gertaerak baieztatzea saihestu dute.
Zure interesekoa izan daiteke
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.
Aske utzi dute Barakaldon udaltzain baten tiroa jaso zuen ustezko lapurra
Gizonak arma zuri batekin egin zien mehatxu poliziei, eta udaltzain batek hanka batean tiro egin ostean atxilotu zuten.
EHUn ke poteak jaurti eta pankartak jarri direla eta, epelkeria ukatu eta salbuespenak direla esan du Bengoetxeak
EHUko errektoreak azaldu duenez, jarduera protokolo bat prestatzen ari dira, hezkuntza komunitate osoaren ekarpenak bilduta, erakundearen barruan errespetua eta bizikidetza sustatzeko.
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen horien autoan, eta konfiskatu egin zizkieten.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.