Atxiloaldia luzatu die epaileak Donostiako erasoarekin lotuta atxilotutako 7 gazteei
Gaur arratsaldean deklaratu dute epailearen aurrean, 17 urteko adin txikiko bat egoera kritikoan uztea leporatuta atxilotutako zazpi pertsonek. Haiei entzun ostean, atxiloketa epea luzatzea erabaki du epaileak diligentzia gehiago egiteko aginduz.
Zauritua hil ala biziko egoeran dago Donostiako Ospitalean.
Segurtasun Sailak jakitera eman duenez, jipoiarekin zerikusia dutelakoan atxilotutako zazpi gazteak Donostiako komisaria batera eraman dituzte bueltan, epailearen aurretik igaro ostean. 18 eta 25 urte artean dituzte eta biktimari lesio larriak eragitea leporatzen diete.
Ertzaintzak aurrera jarraitzen du zer gertatu zen argitzeko ikerketarekin. Atzo lekuan bertan izan ziren kasua argitzeko aztarna bila. Hainbat komunikabidek zabaldu dutenez, Udaletxeko kamerek grabatu egin zuten erasoa eta irudiak aztertzen ari dira orain.
Beste bi pertsona ere zauritu ziren gertakarian, larri dagoen gaztearen bi lagun, hain zuzen ere, hari laguntzera joan zirenean. Mediku arreta jaso eta alta eman zieten horiei.
Zure interesekoa izan daiteke
Abenduaren erdialdean irekiko dute Bilboko Ensancheko aparkalekua, 549 plazarekin
Santurtziko alkateak "onartezintzat" jo ditu Anderren atxiloketaren irudiak
Zer neurri proposatzen ditu KIDS Legeak adingabeak Interneten babesteko?
SOS-Deiak larrialdi zerbitzua ordu erdi etenda egon da sistemako akats baten ondorioz
Ezkontza kopurua % 8,4 gutxitu da Euskadin urteko lehen hiruhilekoan
Gizon bat atxilotu dute Bilbon, ibilgailuak erregistratzeko eta delituak egiteko mutil baten identitatea usurpatzeagatik
Euriteek gutxienez hildako bat utzi dute Katalunian
Bengoetxea: "Epaia sakon aztertuko dugu helegitea aurkeztu edo ez erabakitzeko eta moldatzen ari garen dekretua hobetzeko"
Oporrak baimenik gabe 17 egunez luzatu zituen langilearen kaleratzea berretsi egin du Nafarroako Justizia Auzitegi Nagusiak
