Osakidetzako LEPan 'filtrazioak' izan zirela berretsi dute bi lekukok
Marta Macho anestesistak eta Patxi Nicolau ESK sindikatuko ordezkariak salaketa berretsi dute astearte honetan, Osakidetzaren azken lan eskaintza publikoan irregulartasunak ikertzen ari den epailearen aurrean. "Sistema klientelar" batek zerbitzuburu batzuen gustuko ziren hautagaiei azterketak "filtratzea" erraztu zuela salatu dute.
Gasteizko Instrukzio-epaitegian lekukotzak ematen hasi dira, Osakidetzako oposizioan irregulartasunak ikertzen ari den auzian. Anestesia, Angiologia eta Digestiboko hiru mediku inputatu zituzten. LEParen azterketak filtratzeagatik sekretuen jabe egin eta zabaltzea leporatu die Fiskaltzak.
Marta Machok, oposizioen ustezko iruzurra argitara eman zuten hiru pertsonetako bat, eta Patxi Nicolau ESKko ordezkariak lekuko bezala deklaratu dute.
Epaitegian azalpenak eman ondoren, kazetarien aurrean adierazpenak egin dituzte biek. Hasiera batean, Fiskaltzaren aurrean egindako salaketak "berretsi" dituztela azaldu dute lekukoek.
Nicolauk salatu duenez, Osakidetzako arduradunei "sistema klientelar" bat existitzen jarraitzea "komeni zaie", zerbitzuburuen "agintea" bermatzeko.
Ustezko filtrazioen sistemak nola funtzionatzen duen azaldu du sindikatuko ordezkariak. Nicolauren ahotan, ez da prozedura bakarra ematen, kasu bakoitzaren arabera formula zehatz "ezberdin" bat baizik. Hala ere, emaitza beti berdina zela azpimarratu du, eta pertsona batzuek azterketen berri zuten egin "baino lehen".
Prozedura judizialean zehar "frogatu" ahal izango dutela uste du Nicolauk. "Egitura horretan zerbitzuburuek erabakitzen dute gainditu beharreko jendea", nabarmendu du.
Prozedura horien bidez zentroetako zuzendaritzekin "ados" dauden talde medikoak lortzen dituzte, ESKko ordezkariak azaldu duenez. Horretarako, "praktika horiekin ados dauden pertsona zehatzak" izatea "ezinbestekoa" da, erantsi duenez.
Egoeran honen aurrean, hori guztiori "berriz ez gertatzeko" Osakidetzak "neurririk hartu" ez izana deitoratu du Nicolauk. Lan eskaintza publikoa bukatzeko "soilik" balioko duten zenbait neurri hartzera mugatu direla zehaztu du.
Sindikatuko ordezkariaren esanetan, Osasun Saileko eta Osakidetzako arduradun politiko berriek "ez dute sistema klientelar baten existentzia onartzeko pausorik eman, ezta horrekin amaitzeko erabakirik hartu ere".
Ikertutako medikuen abokatuek egindako galderei dagokionez, nolabait akusatuen "kalteak murrizten" saiatu direla adierazi du Nicolauk.
Epaileak eska ditzakeen "froga" berriak ekartzen saiatuko direla gaineratu du ESKko ordezkariak.
Astearte honetan ikerketarekin "lehen hartu-emana" izan dutela zehaztu du Nicolauk. Lehen lekukotzen arabera, datozen egunetan auzipetze gehiago izan daitezkeela gogorarazi du Nicolauk.
Marta Macho anestesista eta Patxi Nicolau ESK sindikatuko ordezkaria. Argazkia: EFE/Adrian Ruiz de Hierro.
Bestalde, Marta Macho "lasai" agertu da, eta hasierako salaketen "egia" berretsi duela azpimarratu du.
Agerraldian "filtrazioen susmoaz" hitz egin duela azaldu du anestesistak. Berak eta beste bi anestesistak frogak biltzeko emandako "pausoak" laburbildu ditu epailearen aurrean.
Asteazkenean, Maria Jesus Mugica Osakidetzako zuzendari nagusi ohiak deklaratuko du, lekuko gisa.
Egun horretan bertan, salaketa egin zuten beste bi mediku igaroko dira epailearen aurretik: Manoel Martinez eta Roberto Sanchez.
Ostegunean, Osakidetzako hiru zerbitzuburu joango dira deklaratzera, ikertu gisa: Cesar Augusto Valero, Reyes Vega eta Josei Luis Cabriada. Sekretuak argitaratzea eta dokumentuen kustodia haustea eta Anestesiologiako, Angiologiako eta Digestioko azterketak filtratzea leporatzen diete.
Horrez gain, Osakidetzako hiru goi kargudunek deklaratuko dute: Juan Carlos Soto Osakidetzako Giza Baliabideetako zuzendari ohiak, Xabier Balerdi Giza Baliabideetako zuzendariordeak eta Andoni Arcelay Osasun Arretako zuzendariak.
Kasuko iturrien arabera, oraindik ez dago argi noiz igaroko diren Gasteizko 2. Instrukzio Epaitegiaren aurretik. Instrukzioaren amaieran deituko dituzte, eta orduan argituko da ikertu edo lekuko gisa deklaratuko duten.
Azken Lan Eskaintza Publikoan izandako ustezko irregulartasunen ondorioz, Jon Darpon Osasun sailburuak eta Juan Carlos Sotok eta Maria Jesus Mugicak dimisioa eman zuten, eta Ricardo Ituarte, berriz, kargugabetu egin zuten.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.