Esther Erize: '15 urteko zigorra handia da, baina are puztuagoa izan zitekeen'
Esther Erize Nafarroako Lurralde Auzitegiko presidenteak La Manada taldeko kideei Auzitegi Gorenak ezarritako espetxe zigorrari buruz hitz egin du Radio Euskadiko 'Boulevard' saioan egin dioten elkarrizketan.
"Larderiarekin eta taldean egindako bortxaketekin lotuta zehaztapenak egiten zebilen azkenaldian Gorena, beraz, Lurralde Auzitegiak eta Auzitegi Nazionalak ezarritako zigorrak aldatzeko aukera zegoen", azaldu du.
Gorenaren iritzian, Fiskaltza eta akusazio partikularra erratu egin ziren, gertatutakoa talde bortxaketa gisa planteatu ez zutelako. Horrela egingo balute, kide bakoitza bortxaketaren egiletzat eta laguntzailetzat jo lezakete, eta horrek zigorra zorroztuko luke. Horrekin lotuta, Erizek aitortu du 15 urteko zigorra handia dela, baina "are puztuagoa" izan zitekeela.
Horren aurrean, zera adierazi du: "Amaierara iritsi garen honetan, hobetu beharrekoei buruzko gogoeta egiteko ordua da".
Hain zuzen ere, itxaropentsu agertu da Erize behin betiko epaiak epailetzaren eta gizartearen arteko arrakala itxiko duelakoan: "Garrantzitsua da iritzi sozialak eta doktrina jurisprudentzialen garapenak bat egitea". Dena den, gaitzetsi egin du Gorenaren erabakia Nafarroako Auzitegiak berretsitako epaiaren zuzenketa denik: "Ez dugu horrela ikusi. Lan egiteko modu ohikoa da. Azken emaitza ematen duen sistemaren parte da".
Azkenik, La Manadako kideen abokatu Martinez Becerraren jarreraz nabarmendu du "lan egiteko modu bat" dela. Erizek, baina, "gogoeta" eskatu dio Abokatuen Elkargoari "muturreko publizitatearen" harira.
Elkarrizketa Radio Euskadik egin du eta eitb.eus-ek euskaratu du
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.