Bi tigrekume zuri jaio dira Nafarroako Sendaviva parkean
Bi bizilagun berri daude Sendaviva parkean, Arguedasen (Nafarroa). Bi tigrekume zuri dira. Tigre zurien espeziea galzorian dago.
Parkeak esan duenez, felidoak apirilaren 15eko goizaldean jaio ziren. Arra eta emea dira, parkeko tigre zurien bikotearen seme-alabak: Chipi arra (4 urte eta erdi) eta Bandi emea (4 urte).
Sendavivak nabarmendu duenez, mota honetako tigreen jaiotza ez da oso ohikoa da gatibotasun egoeran, eta espezie horretako populazioa oso txikia da, munduan 300 ale besterik ez omen daudelako.
Uztailaren 29tik aurrera, larunbata, parkea bisitatzen dutenek tigrekumeak ikusi ahalko dituzte, baina momentuz pixkanaka gutxituko diren murrizketak izango dira. Gainera, Sendaviva laguntza eske dago tigreei izena jartzeko, eta horretarako lehiaketa hasiko du sare sozialen bitartez.
Tigrekume zuriak, Bandi amarekin. Argazkia: Sendaviva.
Kilo bateko pisuarekin jaio ziren biak. Gaur egun, arra 11 kilo ingurukoa da, eta emea, 9,5ekoa. Heldutasunean 230 kg pisatzera heldu daitezke.
Lehen egunetan ez ziren habiatik atera, beren mugikortasuna eta ikusmena urriak zirelako, baina hirugarren astetik aurrera jolasten hasi ziren, eta hilabete eta erdira kanpora irten ziren eta ingurua esploratzen hasi ziren, landarediarekin, soinuekin eta usainekin harremanetan sartuz.
Jaio zirenetik, bi kumeei azterketa sakonak egin dizkiete albaitariek. Elikadura ere kontuz zaintzen ari dira, egokia eta askotarikoa izan dadin.
Bi tigrekume zuriak. Argazkia: Sendaviva.
Albiste gehiago gizartea
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.
Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
Gipuzkoan haurra hiltzen saiatzeagatik akusatutako gurasoek ukatu egin dute alaba astindu izana, eta adierazi dute lesioak gaixotasun genetiko baten ondorio direla
Fiskaltzak zazpi urteko espetxe-zigorra eskatu du bakoitzarentzat, hilketa saiakera egotzita. Gurasoek, aldiz, adierazi dute lesioak gaixotasun "oso arraro" baten ondorio direla.
Jaizkibelek gutun bat eman dio Hondarribiko alkateari, "estrategia aldaketa" eskatuz
Nora Ferreirak, Jaizkibel konpainiako kapitainak, Hondarribiko Udalaren jarrera kritikatu du. "Ezin ditu bi taldeak maila berean jartzen jarraitu, gu emakumeen eskubideen alde borrokan ari baikara", adierazi du Ferreirak. Gainera, hainbat ordezkari politikok, Miren Elgarresta (Emakunde), Ines Ibañez de Maeztu (Arartekoa) eta Maddalen Iriarte (EH Bildu), besteak beste, egindako urratsak nabarmendu nahi izan dituzte, baina erakunde guztiei inplikazio handiagoa eskatu diete.