Alzheimerrari aurre egiteko sentsibilizazio kanpaina bat jarri dute martxan Bilbon
‘Zeure burua zaintzen duzunean, Alzheimerrak pausu bat atzera egiten du’ lelopean, Pasqual Maragall Fundazioak Alzheimerraz ohartarazteko sentsibilizazio kanpaina berria jarri du martxan larunbat honetan Bilbon. Ildo horretatik, bizimodu osasuntsua eramatea gaixotasun horri aurre egiteko sendagairik onena dela erakutsi nahi du elkarteak.
Bilbo izan da ekimen honen abiaburua, baina Pasqual Maragall Fundazioak jakitera eman duenez, datozen asteetan Espainian zehar ibiliko dira. Halaber, adin guztientzako jarduera desberdinak prestatu dituzte, tartean koreografiak edota tailerrak.
Cristina Maragall elkarte horretako bozeramailea Bizkaiko hiriburuan izan da, jardunaldiaren aurkezpenean. Bilboko Udalak ohar batean azaldu duenez, bat egin du Alzheimerra saihesteko antolatutako kanpaina horrekin.
Gainera, nazioarteko ikerketen arabera, gaitz hori jasateko aukerak murrizteko edo atzeratzeko aukera dago hiru kasutik batean, bizimodu osasuntsua eramanez.
Izan ere, ez dago sendagairik etorkizunean alzheimerra garatuko ez dela bermatzen duenik, baina, nazioarteko adituek “arrisku-faktore aldagarriak” daudela frogatu dute, baita horietan eragiteko modua ere. Hala, dementziarekin zerikusia duten arrisku-faktoreen artean honakoak ageri dira: gorputz jarduera urria, tabakismoa, osasunerako elikadura eskasa, alkoholaren kontsumo kaltegarria, bakartze soziala edota ezagumen-jarduera urria.
Gauzak horrela, bizimodu osasuntsua eramanez alzheimerra saihestu daitekeela ohartarazi nahi ditu herritarrak Pasqual Maragall Fundazioak.
Bilboko Udalak azaldu duenez, “herritar guztiak sentsibilizatzea eta informatzea da kanpaina horren helburua, alde batera utz ditzaten alzheimerrari lotutako uste faltsuak”. Izan ere, “saihestezina den gaitz hereditarioa dela pentsatu arren, ez da hala”.
“Prebentzioa oso garrantzitsua dela badakigu. Inoiz ez da berandu alzheimerra saihesten hasteko, izan ere, guztion eskura dago gaixotasun horri aurre egiteko neurriak hartzea”, esan du Cristina Maragallek, kanpaina horren aurkezpenean. Alfonso Gil Bilboko Udaleko alkateordea ere bertan izan da.
Pasqual Maragall Fundazioa 2008ko apirilean sortu zen, Pasqual Maragall Bartzelonako alkate ohi eta Kataluniako Generalitateko lehendakari ohiari alzheimerra diagnostikatu ostean.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.