'Babes bila datozenak hartzeko politika komun bat' eskatu dio Urkulluk Europari
"Errotik aldatzea" eta "babes eta etorkizun berri bat bilatzen ari diren pertsonak hartzeko politika komun bat" onartzea eskatu dio Iñigo Urkullu lehendakariak Europari. "Etorkizun baten bila ari diren beste herri batzuen deiadarraren aurrean Euskadik ezin du gizarte gisa beste alde batera begiratu. Harrera egin zigutelako, harrera egin behar diegu", azpimarratu du.
Euskal Diasporaren Eguna ospatzeko ekitaldia antolatu dute Eusko Jaurlaritzak eta Ispasterko Udalak. Aldi berean, 16 herrialdetan sakabanaturik dauden 50 bat Euskal Etxek ekitaldiak egin dituzte gaur. Duela bost mende Juan Sebastian Elkanok munduari bira eman zionekoa gogorarazi du agintariak, eta ekitaldiokin alderatu du.
Euskadiren izaera migratzailea azpimarratu du Urkulluk ekitaldi instituzionalean. Ispasterko herriko plazan, 12:00etan, abiatu du alkateak ekitaldia, eta bideo bat ikusi dute bertaratu direnek.
Ondoren, plazako bazter ezberdinetatik, bost kontinenteetako historia migratzailearekin lotutako pasarteak antzeztu dituzte.
Josu Erkoreka, Arantxa Tapia, Iñaki Arriola, Nekane Murga, Estefania Beltran de Heredia eta Maria Jesus San Jose sailburuak, Ana Otadui Bizkaiko Batzar Nagusietako presidentea, Marian Elorza Kanpo Ekintzarako idazkari nagusia eta Gorka Alvarez Euskal Diasporaren zuzendaria izan ditu lagun lehendakariak.
"Harrera egin ziguten, harrera egin behar diegu", nabarmendu du Urkulluk hitza hartu duenean. Lehendakariaren esanetan, "etorkizun hobe baten bila ari diren beste herri batzuen deiadarraren aurrean Euskadik ezin du gizarte gisa beste alde batera begiratu".
Euskal Diasporaren Eguna, Ispasterren (Bizkaia). Argazkia: EFE/Luis Tejido
"Gure herrian etorkizun berria bilatzen ari diren pertsona migratzaileak hartzeko orduan, errealitate historikoa ezagutzea garrantzitsua da. Harrera egin ziguten, harrera egin behar diegu", gaineratu du.
Zentzu horretan, "Europaren eta Euskadiren besoak zabaldu behar zaizkie, zalantza barik, herriaren etorkizunaz parte hartzera datozen pertsonei", adierazi du. Horregatik, Europak "errotik aldatu behar du eta politika komun bat onartu, gure herrira babes eta etorkizun berri baten bila datozen pertsonak hartzeko".
"Gizarte gisa ezin dugu beste alde batera begiratu. Zer gertatu behar zen gure diasporarekin harrera herriek errefusatu izan balute? Ez ginateke egongo Euskal Diasporaren Eguna harro ospatzen. Gure inguruan gertatzen ari diren mugimendu migratzailek hobeto ulertu eta onartzen lagundu nahi du egun honek", erantsi du.
Euskal herritarrek atzerrira jo zuten une ezberdinak gogorarazi ditu Urkulluk. "Euskaditik milaka kilometrora, belaunaldiz belaunaldi, kultura, ohiturak eta hizkuntza" mantentzeko orduan euskal diasporak egindako lana goraipatu du agintariak. "Gure oraina aberasten du, eta mundura gero eta irekiago dagoen etorkizun bat markatzen lagunduko digu", esan du.
Lehendakariaren hitzetan, 25 herrialdetan baino gehiagotan 191 Euskal Etxek osatutako sarea "Euskadi Basque Country-rentzako aukera bat da".
Euskal Diasporaren Eguna, Ispasterren (Bizkaia). Argazkia: EFE/Luis Tejido
Zure interesekoa izan daiteke
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.