Bost pertsona hil dira Gaztela-Mantxan, Valentzian eta Andaluzian, euriteengatik
Gutxienez bost pertsona hil dira azken orduetan Andaluzian, Valentzian eta Gaztela-Mantxan izandako euriteen ondorioz. Atzo, osteguna, bi pertsona hil ziren Caudete herrian (Albacete), ibilgailua urak eramanda, eta gaur beste hiru hil dira Almerian, Granadan eta Valentzian.
Ostiraleko azken orduan, Alacanteko Redovan herrian, 58 urteko gizon baten gorpua topatu dute, Vega Baja eskualdean, alegia, Valentzian kalterik handienak jasan dituen eskualdean. Gorpua 20:15ean topatu dute, eta gizona urek arrastatu dute, ibilgailutik irten eta kalea zeharkatu nahi zuenean; hala baieztatu diote Europa Pressi Alacanteko Guardia Zibilak.
Lehen orduan, aldiz, Almerian, beste lagun bat zendu da, tunel batean, harrapatutako auto baten barruan, euri-jasa baten ondorioz, Almeriako Udalak sare sozialetan jakitera eman duenez. Gerora, beste auto batetik, beste gorpu bat erreskatatu dute, Granadako Jamula herrian.
Atzo, osteguna, autoan zihoazen 61 urteko gizon bat eta 51 urteko emakume bat (anai-arrebak) hil ziren Albaceten, Caudete udalerrian, urak eramanda.
Astelehenetik Mediterraneoa astintzen ari den tanta hotza indarra galtzen hasi da, baina oraindik ere Alacant eta Valentzia probintziak alarma gorrian daude.
Gainera, Aemet Espainiako Meteorologia Agentziak alerta laranja ezarri du Murtzian eta Almerian.
Hiru pertsona hiltzeaz gain, urak kalte material handiak eragin ditu.
Ibaiek gainezka egiteko arriskua handia da, eta, hori dela eta, ehunka herritar ebakuatu dituzte badaezpadako neurri gisa. Murtzian, esaterako, 440 pertsona ebakuatu zituzten atzo. Almerian, ostera, 70 pertsona erreskatatu dituzte gaur Gata lurmuturreko kanpin batetik (Nijar).
Bestalde, Andaluziako Juntak bertan behera utzi ditu eskolak Almeria hirian eta beste zortzi udalerritan. Alacant, Valentzia eta Castello probintzietako 132 udalerritan ez dute gaur eskolarik izango, eta Murtziako hezkuntza zentro guztietan utzi dituzte eskolak bertan behera.
Denboralearen ondorioz, Renfek bertan behera utzi du tren zerbitzua Valentzian, Alacanten, Murtzian eta Albaceten.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.