Milioika lagunek hartu dituzte mundu osoko kaleak klima-aldaketaren aurka
Mundu osoko milioika manifestatzailek hartu dituzte kaleak ostiral honetan klima-aldaketaren aurkako neurri zorrotzak eskatzeko asmoz. Nazioarte-mailan mobilizazioz beterikoa izango den aste baten atarian, eta handinahi handiko greba global baten testuinguruan, 150 herrialdetako baino gehiagoko zenbait hiritan egin dituzte manifestazioak, Euskal Herriko hiriburuetan ere bai; horien bidez, parte-hartzaileek galdegin diete Gobernuei sendotasuna, krisi klimatikoaren aurka.
Horrela, 5.000 protesta-ekintza baino gehiago zeuden deituta "Global Climate Strike" izeneko mundu-mailako egun honetan; horrenbestez, hasiera eman zaie astelehenetik aurrera egingo dituzten mobilizazioei eta grebei; hilaren 23tik 27era arte izango da astebete hori, eta New Yorken NBEk deituta duen ekintza klimatikoaren goi-bilerarekin bat egingo du.
Milioi bat lagun, New Yorken
Bertan, New Yorken, gutxi gorabehera milioi bat lagun joan dira Foley plazara, "Klimaren Greba" izenekoari hasiera emateko asmoz; tartean, milaka ikasle zeuden. Ibilaldian Greta Thunberg ekintzaile suediarra ere izan da, eta 50 GKE baino gehiago atxiki zaizkio.
Ondorengo goiburuak izan ditu manifestazioak: "Gure planeta salbatu", "Ezin dugu esan ez genekiela", "Ez dago B planik", edo "Zientzia da, ergel". Estatu Batuetako beste mila hiritan ere egin dituzte protestak.
Euskal Herriko hiriburuetan ere, manifestazioak
Baionan, Bilbon, Iruñean, Donostian eta Gasteizen ere, ehunka lagunek, tartean gazte askok, parte hartu dute deituta zeuden manifestazioetan.
Espainiar Estatuan, greba orokorra datorren ostiralerako deitu badute ere (hau da, hilaren 27rako), ehunka gaztek eserialdia egin du Diputatuen Kongresuaren aurrean.
BIDEOA | 'Fridays for Future' ekimenaren elkarretaratzea Donostian
Alemaniak 54.000 milioi euro erabiliko ditu klima-aldaketaren aurka
Protesta-egun honetan, Angela Merkel Alemaniako kantzilerrak iragarri du beroketa globalaren kontrako plan bat: ondorengo lau urteotan, Alemaniak 54.000 milioi euro erabiliko ditu horren aurka borrokatzeko. Besteak beste, karbono dioxidoaren isuriak tasa berri bat bezala balira kargatuko dituzte, ibilgailuentzako eta berokuntzarako erregaiak garestiagoak izango dira, hegazkin-txartelak bezala, eta, aldiz, trenez bidaiatzea merkeagoa izango da eta sustatuko dituzte energia eolikoa eta eguzki-energia, laguntzen eta pizgarrien bidez.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.