Jon Artano, Rikardo Arregi Kazetaritza Sariko finalisten artean
Rikardo Arregi Kazetaritza Sarian zortzi finalista izango dira aurten, lehen aldiz. Bi sari nagusi emango dira, biak maila berekoak, 9.000 eurokoak: Kazetaritza saria eta Komunikazio saria. Bi sarietarako launa finalista izendatu ditu epaimahaiak, eta haien artetik saridunak nortzuk diren sari banaketa ekitaldian jakingo da, azaroaren 28an, Andoaingo Bastero Kulturgunean (Gipuzkoa).
Finalistak ere ekitaldian izango dira eta orduan jakingo dute nortzuk izango diren sarituak, Andoaingo Udalak prentsa ohar bidez jakinarazi duenez.
Kazetaritza sariari dagokionez, hauek dira lau finalistak: Jon Artanoren 2019. urteko kronika eta elkarrizketak Amerikatik EiTBn; Ana Galarragaren 'Iraultza txikien lekukoak' atala Elhuyar aldizkarian; Miel Anjel Elustondoren 'Zozoen elean' elkarrizketa sorta Berrian; eta Kanaldudeko 'Hurbile/k' saioko 2019ko uda arteko atalak.
Komunikazio saria, berriz, hurrengo hauek dira finalistak: 2019. urteko Korrikaren komunikazio kanpaina; Ttap aldizkari digitalak 2019an sendotze bidean emandako pausoak; CodeSyntaxen 'Egunean behin' jokoa; eta Oier Aranzabalek Zuzeu aldizkarian argitaratzen duen 'Barruan gaude' podcasta.
Jose Inazio Basterretxea Euskal Herriko Unibertsitateko (UPV/EHU) Gizarte eta Komunikazio Zientzien Fakultateko irakasleak, Itxaro Borda idazle eta prentsa kolaboratzaileak, Aingeru Epaltza idazle eta hainbat hedabidetako kolaboratzaileak, Maite Goñi Mondragon Unibertsitateko HUHEZI Fakultateko irakasle eta komunikazio adituak, Elixabete Larrinaga EHUko Gizarte eta Komunikazio Zientzien Fakultateko irakasleak, Ion Muñoa Deustuko Unibertsitateko Komunikazio Graduko irakasleak eta Jon Sarasua Mondragon Unibertsitateko HUHEZIko irakasle eta komunikazio adituak osatuko dute epaimahaia.
Azkenik, epaimahaiburua Mikel Arregi izango da, Andoaingo Udaleko Euskarako zinegotzi arduraduna, eta idazkaria, berriz, Patxi Baztarrika, Andoaingo Udaleko Euskara teknikaria.
Zure interesekoa izan daiteke
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.
Amaya Zabarteren senarrak uste du Zupiriak ez duela auziari buruz "ezer argitara emango"
Bestalde, jakinarazi du Reala-PSG partidaren atarian Ertzaintzak egindako kargekin lotuta, hirugarren salaketa bat aurkeztuko duela beste pertsona batek.
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.