Elurra kentzeko 35 makina eta 238 langile Araban, elurrari eta izotzari aurre egiteko
Arabako Errepideetarako Neguko Planak, aurten, 238 langile, elurra kentzeko 35 kamioi eta hortzak dituzten 69 traktore izango ditu, errepideetako 1.500 kilometrotan baino gehiagotan zirkulazioa erraztea xede, ondorengo hilabeteotan elurra edo izotza egiten duenerako. Ostiral honetan aktibatu dute, eta hurrengo apirilaren 15era arte izango da indarrean.
Planaren aurrekontua milioi bat eurotik gorakoa da. Halaber, ondorengoak ere aurreikusten ditu: gatza eta gatzuna biltzeko 12 puntu ditu, 2.840 tona gatz eta 410.000 litro gatzun gordetzeko gaitasunarekin, eta erabakiak hartzeko laguntza emango duten 10 meteorologia-estazio. Hala eman du jakitera Foru Aldundiak ohar baten bidez.
Negu honetako Planaren berritasunen artean, gatzaren eta gatzunaren banatzailea den gordelekua duten elurra kentzeko bi makina berri daude. Horiek AP-1 Burgos-Armiñon autobide zaharreko Arabako tarteaz arduratuko dira; duela urtebete, Arabako Aldundiak bere gain hartu zuen tarte hori, eta, hortaz, lehen aldiz arduratuko da horretaz.
Gainera, zirkulazioaren gertakarien berri ematen duen web orria berritu dute; orain, mapa interaktiboa du, mendateen eta Arabako errepide nagusien egoerari buruzko datuekin.
Bost hilabete izango da indarrean
2019/2020ko Errepideetarako Neguko Plana ostiral honetan sartu da indarrean, eta ondorengo bost hilabeteotan izango dute lanean, apirilaren 15era arte. Aldundiak nabarmendu duenez, dena den, epe horretatik kanpo izozterik edo elurterik balego, zirkulazioa bermatuko luketela, aurreko astean edo ostegun honetan gertatu den bezala; egun horretan, une jakin batzuetan, 25 langile eta elurra kentzeko 10 makina ibili ziren lanean, batera.
Bide Azpiegituren eta Mugikortasunaren foru ahaldun Javier Hurtadok azaldu duenez, Planaren helburua da "elurra eta izotza agertzen direnean, herritarren eta enpresen mugikortasuna eta jarduera erraztea"; hala ere, "mugak" ditu, meteorologia bereziki kontrakoa denean, esate baterako denbora oso laburrean elurte handiak daudenean. Kasu horietarako, eskatu die arabarrei arduraz ibiltzeko.
Zure interesekoa izan daiteke
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. EAEn ez dago halako eremurik, bai, ordea Nafarroan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzakeen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbaki bakoitzaren atzean istorio desberdin bat dago, beldurra eta isiltasuna protagonista dituena. Ikastetxeetan geroz eta sentsibilizazio handiagoa dago, eta atzemate goiztiarra oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak saria jaso du
Dani Alvarez EITB taldeko kazetariari eman diote Kazetarien Euskal Elkargoaren aurtengo Euskal Kazetariak saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohorea" dela aitortza hori jasotzea. EITBren parte-hartzea duen Natur Bizia ikus-entzunezko lana ere saritu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.