'Aita Mari' itsasoa baretzeko zain, Pozzallora abiatu eta bertan lehorreratzeko
'Aita Mari' salbamendurako ontziak ostegunean Mediterraneo itsasoan erreskatatu zituen 78 migratzaileak Pozzallo portu siziliarrera eramateko baimena jaso du, baina itsasoa oso zakarra da eta baretzeko zain dago hara abiatu aurretik. Hori dela eta, erreskatatuak ontziz aldatzeko baimena eskatu die agintariei, baina ez du Italiaren erantzunik jaso, eta bihar abiatuko da portura.
Joan den igandeko gauerdia inguruan, Italiako agintariek baimena eman zuten Aita Marik erreskatatutako 78 pertsonak lehorreratzeko Pozzallon, Sizilia hegoaldean, euskal itsasontzia zegoen lekutik 26 milia nautikora.
"Pozzallo udalerriko portua hautatu dute Aita Mari ontzian dauden 78 pertsonak lehorreratu ahal izateko", baieztatu du gobernuz kanpoko erakundeak Twitter bidez zabaldu duen mezu batean.
Ontziaren arduradunek azaldu dutenez, "itsasoaren egoera txarra" dela eta, ezin dira portura berehala sartu, eta itsasoa baretu arte itxaron beharko dute; izan ere, igande eguerdian ohartarazi zuten Siziliako kostaldearen aurrean depresio handia zegoela, eta Aita Mari salbamendu-ontziak eta Open Arms-ek (73 migratzaile daramatza) horren eraginak jasan behar zituztela.
Euskadiko gobernuz kanpoko erakundeak ohar baten bidez azaldu duenez, "salbamendurako ontzia Siziliako portu horretatik zazpi bat ordura dago", eta Augusta portua, esaterako, askoz ere gertuago du; bertan lehorreratzea ez litzateke hain nekeza izango itsasoan erreskatatutako migratzaileentzat, horien esanetan.
"Italiak hartutako erabakiari esker, erreskatatutako pertsonen sufrimenduarekin amaituko da. Ostegunetik zeramaten lurreratzeko portu seguru baten zain", nabarmendu du gobernuz kanpoko erakundeak.
'Aita Mari' ontziko arduradunek jakinarazi dutenez, ostegunean erreskatatutako 78 pertsonen artean hamahiru adingabe eta sei emakume daude. Gainera, zazpi hilabeteko haurdun dagoen emakume bat ere badago, besteak beste, antsietate-krisiak artatu behar izan dituen medikuen zaintzapean.
'Aita Mari' salbamendurako ontzia Getariako arrantzontzia izan zen lehen, eta joan den astean lau egun eman zituen Maltako SAR bilaketa eta erreskate gunean patruilatzen, Espainiako Gobernuak ontzi horri eta 'Open Arms'i ezarritako murrizketak direla eta.
Testuinguru horretan, igande honetan bertan, Italiako Gobernuak portu segurua eskaini dio 'Open Arms'i, erreskatatutako pertsonen osasun egoera "kritikoa" baita eta itsaso zakarra baitago. Dena dela, Kataluniako ontzia egoera berean dago, eta itsasoa baretu arte ezingo da porturatu.
Albiste gehiago gizartea
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.
Sutea Gizateriaren Ondare den Kordobako meskitan
Sua 21:00ak pasatxo zirenean hasi da, eta, batez ere, eraikinaren alde garaienari eragin dio. Meskitaren milaka urteko historian, aurretik bi sute baino ez ditu jasan: 1910ean, duela 115 urte, eta 2001ean, bigarrena.
Algen inbasioa Nojako Trengandin hondartzan
Kaltegarria ez den Asiako alga bat da, eta itsasoaren tenperatura altuagatik Kantauri itsasoan areagotzen ari da. Bizilagunen eta turisten arteko disgustua agerikoa da, eta batzuek uretara ez sartzea ere erabaki dute.
Kanibalismo arrastoak topatu dituzte Atapuercan
Ikertzaile talde batek beste kanibalismo kasu berri bat aurkitu du El Mirador kobazuloan, Atapuercako aztarnategian (Burgos). Duela 5.700 urte gertatu omen zen, Neolito amaieran, tokiko gatazken ondorioz, zeremonia edo erritualekin zerikusia duen zantzurik atzeman gabe. Lehen nekazari taldeen arteko liskarrak ohikoak ziren, eta oso bortitzak gainera. Beste tribuetakoak hiltzeaz gain, kanibalismoa praktikatzen zuten. Hala ere, badira kanibalismoaren ebidentziak beste aztarnategi askotan; adibidez, Isturitzen (Nafarroa Beherea).
Orain Jumillan edo lehenago Torre Pachecon gertatutakoaren atzean "asmo politiko garbia" ikusten du Othmanek
Zornotzan bizi den musulman honek ETBri esan dionez, baldintza soziekonomiko apaleko tokiak dira, baliabide gutxikoa bertako jendea, kanpotik lanera doana, "ia esklabutza egoeran" bada ere. Horren hitzetan, osagai horiek baliatzen dituzte "sumindura eragin eta etekin politikoa ateratzeko".
Elkartasun kanoikada batek piztuko du larunbat honetan Donostiako Aste Nagusiaren metxa
Udaletxetik jaurti ohi duten kanoikadak Elikagaien Bankua eta Amara Berriko Auzo Elkartea izango ditu protagonista aurten. Donostia Festak elkarteko ordezkariek prentsaurrekoa eskaini dute Aste Nagusiaren hasierari buruzko xehetasunak emateko.
Arantzazura eraman dituzte jada Donostian kalean bizitzen egon diren Maliko 50 migratzaileak
Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.
Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera
Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.
Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna
Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.