'Aita Mari' ontziak premiazko portua eskatu du, eta italiar uretan dago, ekaitzagatik
Aita Mari salbamendu-ontziak "premiazko" erantzuna eskatu die Maltari edo Italiari, daramatzan 78 migratzaileak lehorreratzeko, eta ziurtatu du itsasontzian dagoen egoera "oso korapilatsua" dela. Siziliako ekialdeko kostaldean dago Aita Mari, Italiako uretan, ekaitzaren eragina murrizte aldera.
Ontziaren arduradunak, gobernuz kanpoko Itsas Salbamendu Humanitario erakundeak, ohar bidez igande honetan azaldu duenez, baldintza meteorologikoek okerrera egin, eta"bi eta hiru metroko olatuak daude". Horren ondorioz, ontziko bizitza "oso zaila da". Aurreko ostegunean, Aita Marik Mediterraneoan jitoan zebilen patera bateko 78 migratzaileak salbatu zituen.
Larunbatetik iganderako gauean, Aita Mari eta Open Arms Siziliako ekialdeko kostalderaino nabigatu dira, eta Augusta eta Sirakusaren artean kokatu; izan ere, italiar agintariek "baimena eman diete bi ontziei Italiako lurralde-uretan sartzeko, ekaitzaren eragina murriztea xede", azaltzen du oharrak.
Euria eta hotza
Gobernuz kanpoko erakundearen arabera, ontzian bizi duten egoera "oso korapilatsua" da, "euria ari duelako eta hotza egiten duelako". Egun erreskate-ontzia den euskal atunketarian doazen sei emakumeak eta bederatzi umeak "sotoan daude, babespean", baina gizonak "popako bizkarrean daude"; gune hori olana batek estalita badago ere, "hezetasunak ahuldu egiten ditu naufragoak".
Ontziaren osasun-taldeak haurdun dagoen emakumearen egoera kontrolatzen du, eta laguntza ematen du "ontzian gertatzen ari diren beste kasu batzuetan; besteak beste, antsietate-krisiak daudenetan".
Itsas Salbamendu Humanitarioak ohartarazi du "egoera honek" ezin duela "luzaroan iraun", eta Europako agintariei eskatu die migratzaileei "premiazko erantzuna" ematea. Nabarmendu duenez, migratzaileek, nazioarteko zuzenbideak hala babestuta, "eskubidea dute hurbilen dagoen portu seguruan lehorreratzeko; alegia, Italian edo Maltan, kasu honetan".
Zure interesekoa izan daiteke
Igorreko errugbi taldeko presidentearen atxiloketak nolabaiteko "itxaropena" eman die kaltetuei
Errugbi taldeko presidenteak komisaldegian jarraitzen du iruzurra eta administrazio desleiala leporatuta. Dagoeneko 132 salaketa jarri dituzte ez ordaintzeagatik.
Pasaiako bi eraikinetako bizilagunak etxetik atera dituzte, luizi baten ondorioz
Guztira hamar familia dira kaltetuak. Aldundiak ohar baten bidez jakinarazi du horietako bosti ostatu emango diela.
Clara Campoamor elkarteak erreklamazio bat aurkeztuko du Ertzaintzak Maialen Mazonen arrisku-maila arintzeagatik
Era berean, kexa formalak aurkeztuko dituzte Arartekoaren eta Emakunderen aurrean, Ertzaintzako talde instruktoreak epaiketan egindako adierazpenak "iraingarriak" iruditu zaizkielako, Maialen "berriz ere biktima bihurtu" baitzuten.
EAEko 800 pazientek onartu dute ebakuntza itunpeko zentro batean egitea
Eusko Jaurlaritzak gutun bat igorri dio formalki Osasun Ministerioari, estatutu propio baterako eskumenen transferentzia aztertzeko bilera bat eskatzeko: “Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Igorreko errugbi taldeko presidentea atxilotu dute, ordaindu ez duten Gabonetako loteriaren harira
Administrazio desleialaren delitu bat eta iruzur delitu bat leporatu dizkiote. Izan ere, Arratiko Zekorrak Rugby Taldeak 90693 zenbakiaren hainbat dezimo erosi zituen Gabonetako loterian jokatzeko, eta hirugarren sari bat egokitu zitzaion, baina klubak ez du diru nahikorik saria ordaintzeko, erositakoa baino gehiago saldu baitzuen partizipaziotan "akats baten ondorioz".
Maialen Mazonen familiaren abokatuak ebazpenaren balorazio"gazi-gozoa" egin du, epaimahaiak ez duelako onartu genero indarkeriaren astungarria
Maialen Mazonen hilketaren auziko epaimahaiak emandako ebazpenaren balorazioa egin du haren familiaren abokatuak. Virginia Urtaran abokatuak penaz hartu du epaimahaiak genero indarkeria astungarritzat hartu ez izana.
Prestaketak martxan Bilbon, maiatzaren 22-23ko asteburuan Europako errugbiko finalak hartzeko
Eusko Jaurlaritzak, Bizkaiko Foru Aldundiak eta Bilboko Udalak, kirol-ekitaldi hau bultzatu duten hiru erakundeek, ostiral honetan eman dute mugikortasun eta segurtasun operatiboaren berri.
Pertsona bat larri zauritu da Errekaleorren, okupazio saiakera baten ondorioz
Errekaleor Auzo Askea kolektiboak salatu duenez, dozenaka pertsona sartu ziren goizaldean auzora, makilekin, burdinekin eta harriekin eta hainbat etxebizitzari eraso egin zieten. Pertsona batzuk zauritu ziren, horietako bat larri, garezurra hautsita.
Aiaran 10.500 plakako eguzki-parke bat egiteko baimena eman du Jaurlaritzak
Aiarako Udala ez dago ados 10.500 modulu eta lurrazpiko ebakuazio-linea instalatzea aurreikusten duen parke hori eraikitzearekin. Enpresak 4,1 milioi euroko inbertsioa egingo omen du bertan.
Glutena izan dezaketela ez zenekien 10 produktu (batzuek harritu egingo zaituzte)
Zeliakoa bazara eta glutenik kontsumitu ezin baduzu, kontuz ibili glutena izan dezaketen eta egunero erabiltzen diren 10 produktuekin. EZE Euskadiko Zeliakoen Elkarteak zerrenda egiten lagundu digu, larunbatean (maiatzak 16) Zeliakiaren Nazioarteko Eguna dela eta.