Klimaren aldeko Goi Bilera Soziala abian da Madrilen, 350 jarduera baino gehiagorekin
Klimaren aldeko Goi Bilera Soziala 10:00etan hasi da Madrileko Complutense unibertsitatean, ostiralean klimaren aldeko martxa bat egin ondoren. Datorren ostiralera arte 350 jarduera baino gehiago aurrera eramango dituzte kontragailurrean.
"Gaur Klimaren aldeko Goi Bilera Soziala hasi da. Atzoko manifestazio handiaren ostean, eragin handia izan zuen, eta horrek itxaropenez bete gaitu. 350 jarduera baino gehiagotan parte hartzera gonbidatzen zaituztegu", esan dute ekitaldiko antolatzaileek.
Egunean zehar hitzaldiak eta jarduerak izango dira. Larunbat honetako jardunaldia kontzertu batekin bukatuko da Klimaren aldeko Goi Bilera Sozialean, 21:00ak aldera. Besteak beste, Moravia, Birch, De Mar a Mar eta Swing Disorderrek parte hartuko dute.
Klimaren aldeko Goi Bilera Soziala ostiralean, 18:00ak aldera, bukatuko da Marcelino Camacho auditorioan, Lope de Vega kalean.
Goi Bilera Sozialaren antolatzaileek ekimena 'kontragailur' bezala definitu dute, Nazio Batuen Erakundea Ifeman (Madril) egiten ari den COP25 izenekoaren alternatiba gisa.
Aurkezpenean, Marta Garcia Pallares antolatzaileak azaldu duenez, Klimaren aldeko Goi Bilera Soziala "herritarrentzako esparru" bat da, COP25 Txiletik Madrilera ekarri dutelako.
"Txileko herriak jasan duen errepresio basatiaren aurrean, Espainiako gizarteak herritarrentzako esparru hau sortu behar izan du, bidegabekeria sozialak salatzeko", adierazi du ekintzaileak.
Zure interesekoa izan daiteke
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.
Euskal Autonomia Erkidegoa da Europako zientzia-funtsen bilketaren buru: 10 urtean 1.300 milioi bildu ditu
Espainiako Estatu osoan ere liderra da I+Gko inbertsioan, 2.000 milioi euro baino gehiagorekin, bere BPGaren % 2,35.
Xuhar Pazosen kasua berriro artxibatu du epaileak, ertzainen jokabidea "beharrezkoa eta neurrizkoa" izan zela argudiatuta
Villabonako gazteak begi bateko ikusmena galdu zuen, Ertzaintzaren foam jaurtigai batek jo ondoren, iaz Tolosako inauterietan izandako istiluetan. Epaileak iritzi dio agenteek protokoloa bete zutela, eta Pazosen lesioa "halabeharrezkoa" izan zela.
Bilboko 76. San Tomas Azokak 243 etxola eta 166 postu hartuko ditu, Areatzan
BBKk antolatuta, tradizioa, elkartasuna eta jasangarritasuna batuko ditu eta 100.000 pertsona inguru biltzea espero da, 09:00etatik 20:00etara. Aurten, 4.500 babarrun anoa banatuko dira Bizkaiko Sukaldarien Bilkura Fundazioaren (Bisubi) eskutik.
Gizon batek sexu-erasoa egin dio adingabe bati, kontaktu-aplikazio baten bidez hitzordua lortu ostean, Aian
Ertzaintzak goizaldean atxilotu du 25 urteko gizona, eta polizia-bulegoetara eraman dute.
Etxebizitza arloko Premiazko Neurrien Legearen aurkako protesta, Eusko Legebiltzarrean
Etxebizitza Sindikatu Sozialistak deituta, talde bat Eusko Legebiltzarraren aurrean bildu da Gasteizen, Etxebizitzaren arloko Premiazko Neurrien Legea gaitzesteko. Deitzaileen arabera, legeak "eraikuntza ziklo berri bat abiatzea du helburu", eta "proletarioei murrizketak eta jabedun aberatsei baliabide gehiago ekarriko dizkie".