Klimaren Goi-bilera akordiorik gabe amaitzea ekidin nahi dute munduko agintariek
COP25 Madrilgo Klimaren Goi-bilera aurrera doa ostiral honetan, berez topaketaren azken egunean, klima-aldaketaren aurkako akordio globala adosteko helburuarekin, baina baliteke negoziazioek larunbatera arte jarraitzea, klimaren gaineko aurreko goi-bilera batzuetan ere gertatu izan denez.
Andres Landerretche goi-bileraren presidentziako koordinatzaile txiletarrak esan du akordioa datozen orduetan egingo dutela espero duela, baina, aldi berean, aitortu du ikatzari lotutako gaietan desadostasunak existitzen direla hainbat herrialderen artean.
"Ez dugu hemendik joan nahi akordio on bat lortu gabe", erantsi du. Goi-bilera ostiral honetan amaitu behar zen, baina une honetan negoziatzen jarraitzen dute.
EFEri egindako adierazpenetan, Hugo Moran Ingurumeneko estatu-idazkari espainiarrak adierazi duenez, hainbat herrialdek uste dute aurrera egiten ari direla negoziazioan, eta, halaber, gizarteak bultzatzen jarraitzen duela; hortaz, "itxaropena dugu, eta uste dugu goi-bilera honek gaitasuna izango duela erantzun egokiak emateko nazioarteko komunitatearen adostasun-ahalmenari dagokionez". Dena dela, Moranen iritzian, "hobe da behar den denbora hartzea, akordio ona erdiesteko".
Carolina Schmidt buru duen presidentetza txiletarraren asmoa da dokumentua ostiral honetarako izatea prest, goi-bilera amaitzeko; oztopo nagusia, baina, karbono-isurien merkatua arautzea da oraindik ere.
BIDEOA | Karbono merkatua erregulatzeko negoziazioak hasi dira Madrilgo Klimaren Goi-bileran
Aurrerapen gutxi, orain arte
Asteartean iritsi ziren Madrilera hainbat ministro eta goi-mailako ordezkari, negoziazioetan parte hartzeko. Klimaren Goi-bilera honetan, baina, orain arte, aurrerapen gutxi izan dira. Hori dela eta, zenbait ordezkarik anbizioa eskatu dute, Madrilgo topaketak porrot egin ez dezan.
Ildo horretan hitz egin du ostiral goizean Antonio Guterres Nazio Batuen Erakundeko idazkari nagusiak, Twitter sarean duen kontuan, anbizio handiagoa eskatu baitie herrialde guztiei, tenperaturek 1,5 gradu baino gehiago gora egitea saihesteko.
Teresa Ribera Espainiako jarduneko Gobernuko Trantsizio Ekologikorako ministroak ostegunean onartu egin zuen anbizio klimatikoa tentsioa ari dela eragiten COP25eko negoziazioetan; izan ere, herrialde guztiek ez dute erritmo bera horren aurrean. Riberaren iritziz, "denok egon beharko genuke gure igorpen kutsagarri globalak murrizten", baina herrialde batzuek orain arte bezala jarraitu nahi dute, "nahikoa ez dela egiaztatu bada ere".
Glasgow 2020 baino lehen, trantsiziozko goi-bilera
"Batzuen ustez, azkarrago joan beharko genuke, anbizio handiagoa izan beharko genuke eta zientziaren papera berrindartu beharko litzateke; beste batzuek, aldiz, letra txiki horretan geratu nahi dute, pausoz pauso. Bi ikuspegiak daude, gero eta argiago dago hori". Madrilgo topaketa hau trantsiziozko goi-bilera da; 2020an Glasgow hirian egitekoa den goi-bileran, baina, herrialdeek klimarekiko konpromisoa berretsi beharko lukete, Parisko Akordioan izenpetu zutenez.
Bitartean, Jenniffer Morgan Greenpeace Internationaleko kideak gizarte zibilaren izenean hitz egin du goizean, "onartezintzat" jo du negoziazioek geldirik jarraitzea, eta berehalako konponbidea eskatu du: "Garestiagoa da orain ez esku hartzea, erabakiak hartzea baino".
Albiste gehiago gizartea
Olatz Salvadorrek eta Marenek kontzertuak eskainiko dituzte Abandoibarrako oholtza gainean, Aste Nagusian
Hala, Abandoibarran, hilaren 16an, larunbata, 23:30etik aurrera, Kai Nakai, Olatz Salvador eta Maren Domingo arituko dira, eta igandean, hilaren 17an, ordu beretik aurrera, Janus Lester eta Dupla.
Zeledonek Palestinako genozidioaren eta indarkeria matxistaren aurkako aldarria egin du, eta "falta direnak" gogora ekarri ditu
Milaka pertsona izan dira Gasteizko Andre Maria Zuriaren plazan 'Zeledonen Jaitsiera' ekitaldian. Iñaki Kerejazuk palestinarren aurkako genozidioa bukatzea eskatu du, eta eraso matxistak gaitzetsi ditu. Arabako hiriburuko jaien aniztasuna aldarrikatu du, "jatorria edozein dela ere".
Festak eztanda egin du Gasteizen, Zeledon aldarrikatzaile baten eskutik
Zalduondoko baserritarra San Migel elizako dorretik jaitsi da Andre Maria Zuriaren plazaraino. Urtero bezala, nahiz eta bero handia egin, plaza jendez lepo egon da, guztiak jaiei hasiera emateko irrikaz.
Poloniak prozesua ireki dio berriro Pablo Gonzalez euskal kazetariari
Horretarako agindua eman dute inteligentzia zerbitzuek igorritako dokumentuak jaso ondoren, eta urriaren amaieran edo azaroaren hasieran egin liteke epaiketa. Hiru eta hamabost urte arteko kartzela-zigorra bete dezala eska dezakete.
Sei pertsona atxilotu dituzte Castro Urdialesen, luxuzko txalet batean 500 marihuana-landaretik gora atzeman ondotik
Landareak etxebizitzaren beheko solairuan zeuden, eta leihoak eta kanporako atea zigilatuta zeuden, usainik atera ez zedin.
Hegazti gripearen kasuak detektatu dituzte Santurtzin eta Erandion jasotako kaio hankahorietan
Hegaztiei bakarrik eragiten die, ez zaie pertsonei transmititzen eta ez da arriskutsua osasun publikorako. Hala ere, prebentzio-kontrolerako neurriak ezarri dira eremu horretan, animalien osasuna babesteko eta hegaztien sektorean izan daitekeen edozein eragin minimizatzeko.
26 urteko gizon bat atxilotu dute Gasteizen, bikotekideari jazarpena eta tratu txarrak emateagatik
Igandean izan zen atxiloketa. Udaltzaingoaren patruila bati jakinarazi zioten gizon bat emakume bat jazartzen ari zela, etengabe etxeko atea jotzen.
Bilboko Konpartsek 600 jarduera baino gehiago antolatu dituzte Aste Nagusira begira, tartean 250 kontzertu
Kirolak garrantzi handia izango du, eta txikientzako jarduerak ere ez dira faltako, ia egunero, aste berezi horretan. Halaber, ez dira faltako arte eta sukaldaritza tailerrak, puzgarriak, txotxongiloak eta pailazoak, goitiberak eta txosnak eraikitzeko tailerrak, besteak beste.
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta betiko legez aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.