Bosgarren sari batek 4,8 milioi utzi ditu Otxarkoagan
69.823 zenbakia izan da Gabonetako loteriaren bosgarren sarietako zazpigarrena. Bilboko 35. zenbakiko administrazioaren leihatilan, Otxarkoaga auzoan, eta La Amistad tabernan 80 serie saldu dituzte, hau da, 4,8 milioi banatu dituzte. Zenbaki horretako 110 serie zituen kontsignatuta administrazioak, baina atzo hogei itzuli zituen, eta beste hamar Torroxeko (Malaga) bigarren administrazioarekin trukatu zituen.
Bestalde, 69.823 zenbakiaren beste serie bat Basauriko Astundiaga kaleko administrazioan saldu da (60.000 euro). Zenbakia 12:46an atera da zortzigarren taulako hamargarren alanbrean.
Bestalde, 6.293 zenbakiaren 22 dezimo (132.00 euro) Nafarroan saldu dira. 17 dezimo Iruñeko Martin Azpilicueta kaleko administrazioan saldu dira; bi Cordovillako La Morea merkataritza gunean; eta, bat Iruñeko Miravalles kalean. Tuteran, Cuesta de la Estacion eta Ador kaleetako administrazioetan saldu dituzte.
Iruñeko gazte koadrila batek bosgarren sari bat irabazi du:
Bilbon eta Gasteizen ere dezimoren bat saldu da, eta 66.000 euro banatu dituzte. Serie bat saldu da Urkixo zumarkaleko 52. zenbakiko administrazioan. Arabako hiriburuaren kasuan, dezimo bat baino ez da saldu Gasteiz Hiribidea kaleko 87. zenbakiko administrazioan eta 6.000 euroko saria egokitu zaio.
74.770 zenbakia izan da bosgarren sarietako bosgarrena, eta 66.000 euro banatu ditu Bilbon, Sodupen eta Sopelan. 8 dezimo (48.000 euro) saldu dira Arsuagako Partikular kaleko administrazioan. Bestalde, bi txartel saldu dira Bizkaiko Sodupe herrian (12.000 euro) eta beste bat Sopelan (6.000).
66.212 zenbakia izan da bosgarren sarietako laugarrena, eta 24.000 euro utzi ditu Abadiñon, Aretxabaletan, Donostian eta Urretxun. Txartel bana saldu dira administrazio horietan.
Elisabeth Obarisiagbon Iyamuk bosgarren sarien laugarrena atera du. Argazkia: EFE
81.610 zenbakia bosgarren sarietatik azkena izan da eta bost txartel (30.000 euro) saldu dira Bizkaian eta Gipuzkoan. Dezimo bat (6.000 euro) Bilbon saldu da eta beste bat Ermuan; Gipuzkoaren kasuan, berriz, Irunen txartel bat saldu da, eta Donostian bi.
23.059 zenbakia izan da bosgarren sarietako hirugarrena. Zenbakia 10:28an atera da hirugarren taulako hamargarren alanbrean eta oso-osorik Palamosen (Girona) saldu dute.
75.206 zenbakiari egokitu zaio lehen bosgarren zenbakia. Saria Soriako bigarren Administrazioan saldu dute osorik. Zenbakia 9:49an atera da, bigarren taulako seigarren alanbrean.
54.527 zenbakia izan da bosgarren sarietako seigarrena. 11:20an atera da, eta Segovian saldu dute osorik.
Serieko 60.000 euroko saria du, hau da, dezimo bakoitzagatik 6.000 euro egokitu dira.
Irabazleek zenbateko osoa kobratuko dute eta ez dute zergarik ordaindu beharko, 20.000 eurotik beherako sariek ez baitute zerga ordaindu beharko.
Gabonetako Zozketa Bereziak 2.380 milioi euro banatu ditu abenduaren 22an, eta sari nagusia irabazi dutenek 400.000 euro jasoko dituzte dezimo bakoitzeko.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.