Zortzi urteko haur bat hil da autobus batek hainbat ibilgailu jo dituenean, Lizarran
Zortzi urteko haur bat hil da, eta bere anaia eta ama larri zauritu dira, autobus batek kontrola galdu eta euren ibilgailua jo duenean, Lizarran. Gainera, beste pertsona bat ere zaurituta omen dago, autobusak harrapatuta.
Ezbeharra 20:10 aldera gertatu da. Estellesaren autobus-gidari batek, oraindik argitzeke dauden arrazoiak medio, kontrola galdu du eta Carlos VII.a kaleko biribilgunean dagoen gasolindegia jo eta auto bat aurretik eraman du; bertako dendaren kontra jo du bete betean ibilgailuak, eta txikituta geratu da.
Kontrolik gabe jarraitu, oinezko bat harrapatu, eta 15 bat autorekin talka egin du, gelditu aurretik.
Suhiltzaileek atera dituzte biktimak auto barrutik, eta zaurituak Lizarrako ospitalera eraman dituzte.
Logroñotik iritsi den autobusean zihoazen bidaiariak onik daude eta, adierazi dutenez, gidariak "galgarik ez zuela" oihukatu zuen talka egin baino lehen.
Javier Remirez Nafarroako Gobernuko lehen presidenteorde eta Presidentzia, Berdintasun, Funtzio Publiko eta Barne kontseilaria Lizarrara joan da ezbeharraren berri bertatik bertara izateko.
Foruzaingoa eta Udaltzaingoa ari dira inguruan lanean, ezbeharra zerk eragin duen argitzeko.
Berehala iritsi dira agintarien eta bestelako erakundeen elkartasun mezuak Lizarrako herriarentzat.
Hala, Maria Chivite Nafarroako presidenteak besarkada bat bidali die biktimei eta kaltetuen esku jarri du Gobernua. Unai Hualde (Geroa Bai) Parlamentuko presidenteak eta Javier Esparza UPNren buruak ere "elkartasuna" adierazi diete lizarrarrei. EH Bildutik eta Osasuna futbol taldetik ere iritsi dira babes mezuak.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.