1.000 pertsona baino gehiagok apustu-etxeen aurka protesta egin dute Iruñean
Apustu-etxeen aurkako manifestazio batek Iruñeko kaleetan ibilbidea egin du arratsaldean. Ehunka pertsonak parte hartu dute. Manifestari gehienak gazteak ziren. Aldez aurretik Zizur, Berriozar, Mendillorri eta Uhartetik abiatu dira, eta bidean herrietako eta auzoetako bizilagunek bat egin dute.
Apustu-etxeen aurkako Iruñerriako Plataformak deitu du manifestazioa, eta dozenaka kolektibok eta elkartek bat egin dute, tartean, sindikatu, alderdi politiko, bizilagun eta gazte kolektiboek.
Gaztelu Plazara heldu denean, "Apustu etxerik ez. Borrokarekin irabaziko dugu" lelopean aurrera egin du zutabe nagusiak. Besteak beste, "Kasinoak zure auzokidea hiltzen du", "Gure auzoetatik kanpora" edo "Zuen negozioa, gure miseria", oihukatu dute manifestariek.
Espainiako Gobernuak Nafarroan duen Ordezkaritzaren arabera, 1.200 bat pertsonak parte hartu dute manifestazioan. Martxa abiapuntura itzuli da, eta bertan agiri bat irakurri dute deitzaileek.
Gutxi lehenago, Hodei Aranguren Apustu-etxeen aurkako Iruñerriako Plataformako bozeramaileak azaldu duenez, "arazo oso kezkagarri batean" arreta jarri nahi du protestak, "gizartea kalera atera eta haren aurka borroka egiteko beharra ikusten dugu", bereziki gazteei eragiten dielako.
"Apustu-etxeak ixtea nahi dugu, ez araudi bat", erantsi du. "Herrien eta auzoen arteko batasuna beharrezkoa dela uste dugu, ahots ozenagoa izateko eta ardura duenak gauzak arautzeko, nahiz eta guk ixtea nahi", errepikatu du.
Gazteriaren erantzuna azpimarratu du, apustu-etxeek eskaintzen duten aukera "gazteek ez dutelako nahi", baina bereziki kaltegarria da eurentzat, "gazteak erakartzeko iragarki eta bonuak nagusi direlako".
Manifestazioa prestatzeko, aldez aurretik kontzientziazio lana egin dutela nabarmendu du Arangurenek. Azkenik, Podemos, Batzarre, Ezkerra, EH Bildu, Alderdi Komunista edo Geroa Baik emandako babesa azpimarratu du, alderdiek Parlamentuan eta Gobernuan legedia egiten dutelako.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.