Zaldibarren desagertutako bi langileak bilatzen hasi dira berriro
Zaldibarko zabortegiaren inguruan lanean ari dira berriro, desagertuta dauden bi langileak bilatzeko eta, horrenbestez, lurperatuak egon daitezkeen lekuan dagoen lurra kentzen hasiko dira.
Lur-jausia koordinatzeko mahai teknikoak bilaketa lanei berriro ekitea erabaki du ostegun honetan, eta joan den ostegunetik desagertuta dauden bi langileak bilatzeko lanak hasi dituzte. Eusko Jaurlaritzako ordezkariek azpimarratu dutenez, "hori baita lehentasuna".
Josu Zubiaga Segurtasuneko sailburuordeak adierazi duenez, "jendea lanean ari da berriz ere", baina egun hauetan ez diote "lan egiteari utzi", "langilerik ez zegoelako bertan, baina zehazten ari ziren nola deskargatu ahal izango zen bilatzen ari ginen eremuan presioa egiten zuen lur-masa hori".
"Gaur, nola jokatu behar zen zehaztu ondoren, jendea dago bertan", adierazi du sailburuordeak. Azaldu duenez, "ikusiko dugu gune hori atondu ahal izango den bilaketa-eremuaren gainean presioa egiten duen masa hori kendu ahal izateko, beste nonbaitera eraman ahal izateko, metatu ahal izateko, eta, orduan, berriro hasi ahal izango gara dauden tokitik lurra kentzen".
Zaldibarko zabortegiko lur-jausia koordinatzeko mahai teknikoa. Argazkia: Ainhoa Furundarena
Bestalde, administrazioak urgentziazko neurriak hartzeko modu subsidiarioan jardungo duela ere erabaki dute; besteak beste, desagertutakoen bilaketaz gain, inguruan jarraitzen duen sutea geldiarazteko, eta lurrak egonkortzeko. Horiek guztiak ondoren enpresa jabeari jasanaraziko zaizkio, eta hark "egoera konpontzeko" hurrengo faseari ekin beharko dio.
Halaber, aire eta ur kontrolen inguruko informazioa ere indartuko dute, orain arte "normaltasun osoz" emaitzak izan dituztelako, Elena Moreno Ingurumen sailburuordeak adierazi duenez. Era berean, landa-inguruneko elikagaien kontrola ere abian jarriko da.
Zaldibarko udaletxean egindako bileran, halaber, beste lauzpabost geologoko talde bat gehitzea erabaki da, mendi-magala nola egonkortu ebazteko, irristatze gehiago ez gertatzeko eta suhiltzaileen bilatze lanak ahalbidetzeko zein zabortegiaren goiko aldean dauden suteak itzaltzeko.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.