Urkulluk asteartean emango ditu Zaldibarko lur-jausiaren inguruko azalpenak
Eusko Legebiltzarreko Diputazio Iraunkorreko Mahaiak onartu egin du Iñigo Urkullu lehendakariak Zaldibarko (Bizkaia) zabortegiaren lur-jausiaren inguruko kudeaketaz azalpenak ematea, EH Bilduk, Elkarrekin Podemosek eta PPk egindako eskaerei jarraiki.
Lehendakaritzako iturriek EiTBri baieztatu diotenez, Iñigo Urkullu lehendakaria bera eta beste sailburu batzuk izango dira azalpenak ematen.
Agerraldia datorren asteartean, otsailaren 18an (09:30), izango da Diputazio Iraunkorrean (lehendakariak apirilaren 5erako hauteskundeak deitu dituenez, Legebiltzarra deseginda dago).
Mahaiak, erakundean ordezkaritza duten talde guztien aldeko botoarekin, eskari bakar gisa tramitatu du agerraldia. EH Bilduk lehendakariaren agerraldia eskatua zuen, eta Elkarrekin Podemosek eta PPk hiru sailbururena (Ingurugiro, Lurralde Antolaketa eta Etxebizitza sailburua; Lan eta Justizia sailburua eta Segurtasun sailburua).
Oposizioaren adierazpenak
Mahaiaren erabakia ezagutu ostean, krisiaz Jaurlaritzak egindako kudeaketa kritikatu dute oposizioko taldeek. Horiei erantzunez, berriz, Iñigo Iturrate EAJren legebiltzarkideak salatu du "hedabideetan eta sare sozialetan" Gobernuaren kontrako "kanpaina" dagoela.
Mikel Otero EH Bilduko kidearen ustez, Urkulluren agerraldia "berandu" dator, "herritarren eta oposizioen presioagatik" egin duelako: "Bere borondatez eta lehen unetik agertu behar zen, oposizioak eskatu gabe". Oterok salatu duenez, "Lehendakaria ezkutatuta egon da. Herri honek egia esatea merezi du, eta ez hainbat egunez ezkutatuta egon den Gobernu bat".
"Hemen bi erantzule daude: gauzak txarto egin dituen enpresa bat, eta hori argituko da, bide judiziala zabalik dago. Baina hemen erantzukizun politikoak ere badaude, ikuskaritza eta kontrol lanak ez ziren behar bezala egin eta hartu behar ziren neurriak, tragedia hau gertatu aurretik hartu beharrekoak ez ziren hartu. Gertatu eta gero, lehen uneetan, izugarrizko deskoordinazioa egon da", esan du.
Jose Ramon Becerra Elkarrekin Podemoseko legebiltzarkideak ere uste du Jaurlaritzak "txarto kudeatu" duela Zaldibarko "larrialdia".
Horren ustez, Jaurlaritzaren "kudeaketa txarra izan da segurtasunaren eta lan osasunaren alorrean, bai zabortegian zein larrialdi egoeran". Azpimarratu duenez, herritarrei emandako informazioa "inprobisatua eta gorabeheratsua izan da, eta euren osasunagatik kezkatuta zeuden herritarrek kalean egindako presioaren ostetik etorri da".
Azkenik, Carmelo Barrio Alderdi Popularreko bozeramaileak uste du Urkulluk azalpenak ematea "premiazkoa" dela. "Jaurlaritza, Urkullu eta bere sailburuak ezikusiarena egiten ari dira kaltetutako herritarrek duten kezka eta estutasunaren aurrean. Egiaren eta gardentasunaren unea da", erantsi du.
Halaber, ohartarazi duenez, "ez da errua hirugarren bati botatzeko unea edo erantzukizunak gainetik kentzekoa. Zalantza asko daude. Inprobisazio eta deskoordinazio iraunkor bat egon den sentsazioa dugu. Jendarteari zorroztasunez eta gardentasunez eman behar zaio informazioa, eta Zaldibarko eta inguruko herrietako biztanleengandik gertu egon behar gara".
EAJk Jaurlaritzaren kontrako "kanpaina" salatu du
Kritiken aurrean, lehendakariaren eta Jaurlaritzaren defentsa hertsia egin du Iñigo Iturrate EAJko legebiltzarkideak. Azaldu duenez, Urkulluk egingo du agerraldia, "eta litekeena da beste sailburu batzuk ere ondoan izatea". Argitu du Gobernuari dagokiola nortzuk izango diren erabakitzea.
Iturrateren esanetan, Jaurlaritzaren "lehentasuna Alberto eta Joaquin, zabortegiaren hondakinen azpian desagertutakoak, aurkitzea eta erreskate lanetan dabiltzan pertsonen eta inguruko herritarren segurtasuna bermatzea da".
Era berean, nabarmendu duenez, lehendakaria eta Jaurlaritza "lehenengo minututik egon dira egoera tamalgarri honen aurrean, eta modu serioan, zorrotzean eta zuhurrean kudeatu" dute krisia.
Horrez gain, salatu du "hedabideetan eta sare sozialetan" Jaurlaritzaren kontrako "kanpaina" dagoela, eta "giza saminaren erabilera politiko nazkagarria" kritikatu du EH Bildu aipatuta.
Zure interesekoa izan daiteke
Nafarroako Parlamentuak urtebeteko luzamendua onartuta, itunpeko sareko 14 gelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan; ikasgelak aldatzeko irizpideak finkatzea du helburu horrek.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.