Desagertutako langileen bila jarraitzen dute Zaldibarren, makineria berriarekin
Joaquin Beltran eta Alberto Sololuze Zaldibarko luizian desagertutako bi langileak bilatzeko lanek aurrera jarraitzen dute. 'Bulldozer' motako makineria berria hasi da lanean, B-2 gunean materiala ateratzeko eta ingurunea egonkortzeko.
Bitartean, B-4 zonaldean bilaketa eta azterketa lanek ere aurrera jarraitzen dute. Eusko Jaurlaritzak argitaratutako txostenaren arabera, 5.525 tona atera eta aztertu dituzte dagoeneko, horietako 3.825 B-4 gunetik.
Zabortegia egonkortzeko lanei dagokionez, hondakindegiaren goialdean ari dira lanean batez ere, ezponda egonkortzeko eta "suteak berpiztea eragozteko". Gainera, kontrolerako suhiltzaile talde bat bertan dago.
Recortes Cero Euskadik deituta, bi langileen familiei babesa adierazteko eta Zaldibarko zabortegiaren aurka protesta egiteko elkarretaratzea egin zuten ostiralean, Artxandako funikularraren aurrean.
Bestalde, Mario Iceta Bilboko gotzainak beharginak "lehenbailehen" erreskatatzea eskatu du larunbat honetan.
Atzo, Bizkaiko Foru Aldundiak Verter Recycling Zaldibarko zabortegiaren enpresa jabeari xedapen espedientea zabaldu zion, zaborren luiziak AP-8 autobidean eta Ermuko saihesbidean eragindako kalteengatik.
Zabortegiaren inguruko aireari egindako azken azterketek agerian utzi zuten furanoen eta dioxinen mailak "nabarmen" egin duela behera industria hondakinen sutea itzaltzea lortu zutenetik.
Hala ere, Beko-Aixola ubidean zabortegiaren lixibiatuak direla "berretsi" dute azken egunetako laginen azterketek, nahiz eta Eusko Jaurlaritzak partikula kutsatzaileak murriztea espero.
Azterketen emaitzen berri egunero ematen dute IHOBEk eta URA agentziak.
Zure interesekoa izan daiteke
Emakume batek sexu erasoa egin diotela salatu du Eibarren
Erasoa igandean gertatu zen, eta Ertzaintzak ikerketa zabaldu du. Oraingoz ez dute atxiloketarik egin.
Barakaldoko 54 urteko emakumearen heriotza hilketa matxista izan dela baieztatu dute
27 urteko gizon bat atxilotu dute ustezko hiltzaile gisa. Agintariek hilketa gaitzetsi eta elkarretaratzea deitu dute biharko: 12:00etan, Barakaldoko Herriko Plazan. Argitan talde feministak, bestalde, beste bilkura bat deitu du astearterako, 19:00etan Bide Onera plazan.
Auto baten gidaria hil da GI-636 errepidean, Lezon, kamioi batekin aurrez aurre talka eginda
Errepidea itxita egon da bi noranzkoetan larrialdi zerbitzuak lanean aritu direnean eta errepidea garbitzeko lanek iraun duten bitartean. 17:45ak aldera zabaldu dute eta egoera normaltasunera itzuli da.
Olentzerok eta Mari Domingik ilusioz beteko dituzte Bilboko kaleak astearte honetan
Kalejira 17:30ean hasiko da Moyua plazatik eta Kale Nagusia zeharkatuko du Arriaga Antzokiraino. Bertan, ikuskizuna, tailerrak eta Euskal Herriko Gabonetako pertsonaiarik maitatuenen bisita izango dira.
2026ko txertaketa egutegia eguneratu du Osasun Sailak, helduentzat arnas birus sintzitialaren aurkako txertoa sartuz
34,5 milioi euro bideratuko ditu Eusko Jaurlaritzako Osasun Sailak txertoetara 2026an, Euskadiko Txertoen Aholku Batzordearen gomendioak aintzat hartu, eta txerto berriak sartuz heldu zein haurren egutegietan, herritarren immunitatea indartzen jarraitzeko.
Abadiñoko bizilagunak, hunkituta, sari nagusiko dezimoak kultur elkarte bati esker eskuratu dituzte eta
79432 zenbakiari egokitu zaio Gabonetako Loteriaren zozketa bereziaren sari nagusia, seriko lau milioi euroko saria dakar (dezimo bakoitzeko 400.000 euro).
Bimba y Lola saltokiko langileei bigarren saria egokitu zaie
Bigarren sariak (70.048) zoriona banatu du Bilboko eta Donostiako Bimba y Lola moda kateko saltzaileen artean, zenbaki horrekin jokatzen baitzuen enpresak. 125.000 euro jasoko dituzte dezimo bakoitzeko.
Lau bosgarren sarik (23112, 60649, 77715 eta 41716) 400.000 eurotik gora utzi dituzte Euskal Herrian
Lehenak, 23112ak, 180.000 euro banatu ditu Usurbilgo Urbil merkataritza-gunean eta Bilbon. 60649aren serie bat Gasteizen, Leclerc saltokian, jausi da, eta 41716ren beste bat, Donostian . 77715 zenbakia oso banatua egon da eta Iruñean, Bilbon eta Leioan jausi da.
Igorreko errugbi taldeak 14 milioi banatu ditu hirugarren sariarekin (90693)
Hirugarren saria (90.693) oso txoko askotan banatu da. Zenbakia toki askotan saldu da. Igorren, adibidez, 14 milioi euro baino gehiago utzi ditu. Arratiko Zekorrak errugbi taldeak eskuratu zituen saritutako hirugarren zenbaki horretako serie guztiak.
Honela ospatu dute Leioan Gabonetako Loteriaren laugarren eta bosgarren sariak
Leioako Artea merkataritza-gunean 2025eko Gabonetako Loteriaren zozketa bereziko bi sari banatu dituzte, zehazki, laugarren sari bat (78477) eta bosgarren bat (77715).