Sanchez: "Estatu osoan boterea Espainiako Gobernuak izango du"
Koronabirusari aurre egiteko Estatu osoan "boterea izango duen agintea" Espainiako Gobernua izango dela zehaztu du Pedro Sanchez gobernuburuak.
Koronabirusari aurre egiteko neurriak "zorrotzak" izango direla eta "ondorioak" izango dituztela ziurtatu du Sanchezek. Espainiako Gobernuak "birusari irabazteko orduan zalantzarik" izango ez duela erantsi du.
Moncloa jauregian agerraldia egin du Sanchezek, Ministroen Kontseiluak zazpi ordu baino gehiagoko bilera egin ondoren. Alarma egoera indarrean jarri du Espainiako Gobernuak larunbat honetan.
Gainera, segurtasun indar guztiak, Estatu osoan, Fernando Grande-Marlaska Barne ministroaren "agindu zuzenen" esanetara izango direla ziurtatu du Sanchezek.
Alarma egoera indarrean jartzeko, Ministroen Kontseiluak izandako iraupena defendatu du Espainiako gobernuburuak, "ordu asko" baina "aberasgarriak" izan direlako.
"Pablo Iglesias presidenteordeak eta gainerako ministroek patxadaz eztabaidatu dute, tresnen inguruko xehetasun ugarirekin", dekretua onartzeko, azaldu duenez.
Eztabaidak herritarren osasuna babesteko "dekreturik onena" onartzea izan du xede, presidentearen arabera.
Hauteskundeak
Bestalde, datorren apirilaren 5ean EAEn eta Galizian hauteskundeak egiteak "zentzu gutxi" izango lukeela uste du Sanchezek, baina bertako alderdiei erabakitzea dagokiela gaineratu du.
Alberto Ñuñez Feijoo Galiziako presidentearekin eta Iñigo Urkullu lehendakariarekin hitz egiteko aukera atzo bertan izan zuela azpimarratu du Sanchezek. Egoera aztertzeko eta hauteskunde deialdia bertan behera uzteko astelehenean talde politikoekin biltzekoak direla esan zioten bi agintariek Espainiako gobernuburuari.
"Indar politikoek hartu beharreko erabakiaren zain gaude", nabarmendu du Sanchezek.
Ondorioak ekonomian
Koronabirusaren krisiak Espainiako ekonomian "eragin handia" izatea espero du Espainiako presidenteak, baina Gobernuak ondorioak arintzeko "eskura duen guztia" egingo duela ziurtatu du.
"Une honetan agertoki ekonomikoa oso aldakorra da, baina kalte ekonomikoa handia izango dela bistakoa da", onartu du Sanchezek, nazioarteko, EBko eta Espainiako erakundeek aurreratu bezala.
Pandemiaren aurkako borrokan "lehen garaipena kutsadura "kurbak gezi" forman gora ez egitea izango da, modu "geldoagoan" baizik, azpimarratu duenez. "Erabateko garaipena izango da”, nabarmendu du ondoren, txertoa prest dagoenean.
Aurreko agerraldietan egin bezala, "esfortzu eta sakrifizioko aste oso zailak" aurreikusi ditu gobernuburuak.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.