Espainiako Gobernuak herritarren zirkulazioa mugatuko du igandetik aurrera
Koronabirusa zabaltzea saihesteko herritarren zirkulazio askea mugatuko du Espainiako Gobernuak igandeko 00:00tik aurrera.
Larunbat honetan egiten ari diren Ministroen Batzar ez ohikoan hartu dute erabakia, eta kasu zehatz batzuetan bakarrik egongo da baimenduta herritarren mugimendua.
Eskuartean duten dekretu borradorearen arabera, "erabilera publikoko bideetatik" zortzi kasutan bakarrik ibili ahal izango dira pertsonak: elikagaiak erosteko, sendagaiak erosteko eta oinarrizko beharretarako den zerbait erosteko, adibidez.
Osasun zentroetara joateko, lanera joateko, lana bera burutzeko eta etxera itzultzeko ere atera ahal izango da kalera. Baita adinekoak, adin-txikikoak, menpekotasunen bat dutenak zein bereziki ahulak direnak zaintzeko ere.
Azkenik, finantza erakundeetara joatea ere baimendua egongo da baita "behar-beharrezkoak" diren mugimenduak ere, "behar bezala justifikatuta badaude".
Martxoaren 16ko 08:00etan jarriko dira indarrean naueri horiek eta dekretuak jasotzen dituen besteak BOEn argitaratzen direnean.
Norbere autoan bide publikoetatik ibiltzea ere mugatu egingo du Espainiako Gobernuak eta soilik aurreko kasuetarako edo gasolindegietara joateko hartu ahal izango da autoa.
Baimendutako desplazamentuetan ere, "agintarien gomendio eta arauak" errespetatu beharko dituzte herritarrek.
Errege-dekretuaren seigarren artikuluan, halaber, Fernando Grande-Marlaska Barne ministroari ematen zaio polizia autonomikoen eta lokalen kontrola, alarma-egoera aplikatuta, koronabirusaren agerraldiari aurre egiteko (Covid-19), eta, horrela, ahalmena izango du "errepideak edo errepide-zatiak zirkulazioan ixtea erabakitzeko, osasun publikoko, trafikoaren segurtasun edo arintasuneko arrazoiengatik, edo ibilgailu jakin batzuen sarbidea mugatzeko."
Gobernuan ohartarazi duenez, "herritarrek laguntzeko eta agintaritzaren agenteen lana ez oztopatzeko betebeharra dute".
Polizia propioa duten autonomia erkidegoek, Kataluniak zein Euskadik, esate baterako, Segurtasun Batzordeen bidez koordinazio mekanismoak ezarriko dituztela zehazten du dekretuak .
Bestalde, errege-dekretuak dio zirkulazio-askatasunari muga horiek jartzetik salbuetsita daudela "Espainian kokatutako ordezkaritza diplomatikoetako, bulego kontsularretako eta nazioarteko erakundeetako kide gisa egiaztatutako langile atzerritarrak".
Autogobernua
Zentzu horretan, Espainiako Gobernuak segurtasun eta osasun eskumen "guztiak" bere gain hartzen baldin baditu "155. artikulua" aplikatzea litzatekeela esan du Josu Erkoreka Eusko Jaurlaritzako bozeramaileak, baina "printzipioz" Pedro Sanchez presidentearen asmoa hori denik ez du uste.
Exekutibo zentralak erkidegoen gaineko aginte bakarra ezartzeko aukeraren inguruan galdetu diote Erkorekari Radio Euskadin. Iñigo Urkullu lehendakariak Sanchezekin izandako elkarrizketan, Espainiako gobernuburuak "printzipioz erkidegoen eskumenekin errespetuzko jarrera" agertu zuela azaldu du Jaurlaritzako bozeramaileak, "azken astean bezala bi gobernuen arteko lankidetza mantentzeko".
"Segurtasun eta osasun arloetan Espainiako Gobernuak erkidegoen eskumenak baliogabetzea ezustekoa litzateke, elkarrizketetan aipatu ez den 155. artikulua", erantsi du.
Era berean, erkidegoaren eskumenak "urratzea" onartuko ez duela ohartarazi dio Kataluniako Generalitateak Pedro Sanchezen Exekutiboari.
Sanchezek bihar arte atzeratu du erkidegoetako presidenteekin egitekoa den bideokonferentzia
Bestalde, Espainiako Gobernuko presidenteak bihar arte atzeratu du autonomia erkidegoetako presidenteekin gaur arratsaldean egitekoa zuen bideokonferentzia.
Albiste gehiago gizartea
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxera eraman dute, epailearen esku utzi aurretik egin beharreko izapideak egitera.
Zezen batek Santo Domingon korrikalari bat adarkatu duen unea
La Palmosilla ganadutegiko zezen batek hankan zauritu du Puçol (Valentzia) herriko 27 urteko korrikalari bat. Jendeak txalo artean agurtu du zauritua, anbulantzian eraman dutenean.
Mingain urdinaren foku aktibo bat atzeman dute Arrasaten
Hala ere, gizakiok ez dugu mingain urdinaz kutsatzeko arriskurik, ez animaliekin kontaktuan egonda, ezta haragia janda ere.
Baionak igande honetan agurtuko ditu bestak, jendetza bildu ondoren
Baionako bestak ohi baino bi aste lehenago hasi ziren asteazken gauean, herriko etxeko balkoitik giltzak jaurtiz bost gau eta lau eguneko parranda abiatzeko.
Ikusi berriz uztailaren 13ko entzierroa
2025eko sanferminetako uztailaren 13ko entzierroa, Orainen.
Entzierro jendetsu eta azkarra, La Palmosillarena, une arriskutsuekin
La Palmosilla ganadutegiko zezenek entzierro azkarra eta arriskutsua egin dute uztailaren 13 honetan, sanferminetako azken-aurreko entzierroan. Orain arte zabaldutako partearen arabera, sei korrikalari zauritu dira: hiruk adarkada jaso dute (hanka batean batek, bizkarrean bigarrenak eta genitaletan azkenak), eta beste batek zauria zuen lepoan. Igandea izaki, lasterketa jendetsua izan da, eta, ondorioz, oso leku gutxi egon da korrikaldietarako, eta zezenek lasterkari asko harrapatu dituzte leku gorabeheratsuenetan, Santo Domingon, Mercaderes eta Estafeta arteko bihurgunean eta zezen-plazaren sarreran. Hala ere, bi minutu eta erditik beherako denborarekin egin dute ibilbidea. Zaurituak Nafarroako Unibertsitate Ospitalera eraman dituzte. Horietako hiruk adarkada bana zuten. Bik Santo Domingoko tartean jaso dute adarkada (batek ezkerreko hankan, beste batek perineoan), eta hirugarrenak Mercaderesen (gerrialdean). Beste batek azaleko zauri bat zuen lepoan. Puçol (Valentzia) herriko 27 urteko gizon batek jaso du adarkada hanka batean, eta pronostiko erreserbatua du. Mercaderesen, ezkerreko saihetsetan adarkada bat jaso du San Sebastian de los Reyes (Madril) herriko 22 urteko mutil batek, eta horrek ere pronostiko erreserbatua du. Atarrabiako (Nafarroa) 31 urteko gizon batek eskrotoan jaso du adarkada, eta laugarren adarkatua Olaberriko (Gipuzkoa) 19 urteko mutil bat da, lepoan zauri arina zuena. Bi zaurituk kolpeak jaso dituzte Telefonicako tartean, batek toraxean eta besteak beso batean.