Urtaranek espediente bat ireki du Juan Carlos Iaren izena etorbide batetik kentzeko
Gorka Urtaranek espediente administratibo bat ireki du Juan Carlos Iaren izena Salburuako etorbide batetik kentzeko, haren ustez "gizon honek ez du Arabako hiriburuan kale bat merezi" .
Onda Vascan egindako elkarrizketa batean, errege emerituaren inguruko egoerari buruz hitz egin du, ustezko komisioen kobrantza adierazten duten informazioen inguruan. Felipe VIak aitaren jaraunspenari uko egin dio, eta, gainera, Estatuko Aurrekontu Orokorretatik jasotzen duen diru-kopurua kenduko dio (194.232 euro gordin urtean).
Gasteizko alkateak azaldu du, hiria Salburuatik eta Zabalganatik hedatu zen urteetan, izen hori hartu zuen etorbideak.
Urtaranek Juan Carlos Iaren izena etorbide horretatik kentzeko espedientea irekitzea erabaki du, errege emerituari buruz ezagutu diren informazioei eta Felipe VIak berak "arbuiatu eta esleipena kendu dionari" erreparatuta. "Argi dago gizon horrek Saudi Arabiako 100 milioi baino gehiago kobratu zituela ustezko jarduera irregularrengatik", gaineratu du.
Urtaranek adierazi du, "bere izenak ez du kale bat merezi, gure kaleek guztion onerako lan egin duten pertsona zintzoen izena behar dute".
Gasteizko alkateak adierazi du, momentu honetan ez dela "une aproposena" kalearen izena aldatzeko, koronabirusak eragindako egoera dela eta. "Egoera horretan gaude % 100ean zentratuta, Gasteizko biztanleriaren osasuna bermatzeko", hala ere, kale horren izena modifikatzeko espediente administratiboa dagoeneko ireki dutela adierazi du.
Urtaranek izendapen alternatibo bat bilatuko dutela nabarmendu du, toponimo bat izan daitekeena, edo, ziurrenera, "emakumeen eskubideak, askatasuna, berdintasuna edo giza eskubideak bermatzeko ekarpena egin duen emakume batena, edo adar zientifiko edo sozialen bati egindako ekarpenagatik nabarmendu den emakume batena".
"Uste dut unea heldu dela Gasteizek bere kale-izendegian merezi duten pertsonen izena kokatzea, eta gizon honek, bistan denez, erakutsi du ez duela Gasteizen kale bat izatea merezi", ondorioztatu du.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.