Ertzaintzak errepideak eta geltokiak kontrolatuko ditu, zubian zehar ez bidaiatzeko
Ertzaintzak gogorarazi duenez, konfinamendua ohiko bizilekuan egin behar da, eta debekatuta dago bigarren etxebizitzetara joatea; beraz, kontrolak ezarriko ditu errepideetan eta geltokietan, San Jose zubian zehar baimenik gabeko bidaiak saihesteko.
Prebentzio kontrolen helburua da koronabirusaren pandemiak eragindako alarma-egoeraren ondorioz izan diren mugimendu-murrizketak betetzen direla bermatzea.
Segurtasun Sailak ohar batean azpimarratu duenez, lan jarduerak edo lehen mailako beharrak gauzatzeko soilik ibil daiteke erabilera publikoko bideetatik.
Horretarako, Ertzaintzaren eta udaltzaingoen patruilek egiaztapenak egingo dituzte, bai errepideetan, bai garraio kolektiboko geltokietan, agindutakoa betetzen dela ziurtatzeko.
Era berean, Ertzaintzak errepideetako edo zati batzuetako zirkulazioa etengo du, osasun publikoa, segurtasuna edo zirkulazioaren arintasuna bermatzeko, bai eta zenbait ibilgailuren sarbidea murriztu ere.
Halaber, joan-etorria gauzatzeko azalpen "justifikatua, argia eta egiaztagarria" eskatu ahal izango zaie gidariei.
Autoa erabiltzeari dagokionez, erabilera indibiduala gomendatzen da, eta bigarren bat bidaiatzen duenean atzeko eskuinaldeko eserlekuan eseri beharko da, ezarritako segurtasun distantzia errespetatuz.
Ezin da segurtasun-distantzia hori errespetatu gabe bidaiatu, Segurtasun Sailak nabarmendu duenez.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.