WhatsApp bidez koronabirusari buruzko galderak erantzuteko zerbitzua prestatu du MOEk
Koronabirusak nazioartean eragin duen osasun krisiaren ondorioz, WhatsApp bidezko doako zerbitzua prestatu du Munduko Osasun Erakundeak (MOE), herritarren galderei iturri ofizial eta fidagarriak erabiliz erantzuteko. Zehazki, MOEren Osasun Alerta izena jarri diote zerbitzu horri.
Doako zerbitzua da, eta herritarrek koronabirusaren inguruan dituzten zalantzak argitzeko prestatu dute. Eguneko 24 orduetan egongo da erabilgarri, mundu osoan informazio fidagarria eta ofiziala arin emateko helburuarekin, WhatsAppek ohar baten bidez jakinarazi duenez.
MOEren Osasun Alerta zerbitzua, erabiltzeko, +41 79 893 1892 zenbakia gorde behar da telefono-mugikorreko kontaktuen agendan, eta gero, besterik gabe, WhatsApp bidezko mezu batean "kaixo" hitza idatzi eta bidali. Ondoren, galdera edo zalantza igorri daiteke. Zerbitzua etengabe eguneratzen da informazio berrienarekin.
Horrez gain, herritarrek WhatsAppek prestatu duen Koronabirusaren Informazio Zentroa bisita dezakete, eta hasierako orrian dagoen MOEren estekan klik egin MOEren Osasun Alertarekin elkarrizketa hasteko, WhatsApp instalatuta izanez gero.
MOEren Osasun Alertak koronabirusarekin lotutako hainbat gairi buruzko informazio ofiziala emango du: birusetik babesteko jarraibideak, joan-etorriak egin behar izanez gero kontuan izan beharreko aholkuak edo koronabirusari buruzko zurrumurruak gezurtatzeko moduak.
Hasiera batean ingelesez kaleratuko dute zerbitzua, baina Nazio Batuen Erakundeak erabiltzen dituen sei hizkuntzetan (ingelesa, arabiera, txinera, frantsesa, errusiera eta gaztelania) egongo da erabilgarri datozen asteetan.
Tedros Adhanom Ghebreyesus MOEko zuzendari nagusiak honako hau adierazi du: "Teknologia digitalak aurrekaririk gabeko aukera ematen digu osasun arloko informazioa nazioartean pandemia baino azkarrago zabal dadin, bizitzak salbatuz eta ahulak babesten lagunduz".
Albiste gehiago gizartea
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sutea piztu da Gasteizko LEA fabrikan, eta ke-zutabe handia eragin du
Gamarrako industrialdeko enpresa guztiak hustu dituzte, eta ez da inor zauritu. Suhiltzaileek kea gutxitzea lortu dute, eta Abetxuku eta Arriaga auzoetako bizilagunak etxetik irten daitezke.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.