Lanera itzultzeko egokituko dute garraio publikoa Aste Santuaren ostean
EAEko garraio publikoaren operadoreek eskaintza berregokituko dute datorren asteartetik aurrera, apirilaren 14tik aurrera, Aste Santuaren osteko lehen lanaldian. % 40 eta 60 arteko murrizketak izango dituen zerbitzua eskainiko dute, baina beharrezkoa izanez gero, % 100 bermatuko dute puntako orduetan.
Hala erabaki du Euskadiko Garraio Agintaritzak. Izan ere, koronabirusaren krisia kudeatzeko lan-mahaiak martxoaren 29an Espainiako Gobernuak ezarritako murrizketak amaitu ostean sortu den egoera berria aztertu du, funtsezkoa ez den jarduera oro geldiaraztera behartu zutenak, Eusko Jaurlaritzak jakitera eman duenez.
Garraio Ministerioari "kexa" bat helaraztea ere erabaki du Euskadiko Garraio Agintaritzak, "maskarak eta babes ekipoak banatzeko garraio operadore publikoekin duen konpromisoa bete dezala eskatzeko".
Garraio publikoaren berregokitzeari dagokionez, Aste Santuko jaiegunekin bat egiteak egoera berriaren ondorioak arinduko dituela uste du Euskadiko Garraio Agintaritzak, eta, nolanahi ere, Jaurlaritzaren dekretuaren "aurreko agertokia berreskuratzera behartuko" duela.
Laneratzea "pixkanakakoa izatea espero da", baina EAEn datorren asteartean, hilak 14, izango da lehen lanaldia.
Hori dela eta, garraio publikoaren eskaintza % 40 eta 60 artean berrezartzea erabaki dute lanaldietarako, funtsezkoak ez diren sektoreen geldialdiaren aurretik bezala, azken egunetan eskaintzen ari den asteburuko eskaintzaren aldean.
"Operadore bakoitzak eskubidea du bere eskaintza benetako eskarira eta beharretara egokitzeko. Beharrezkoa bada, puntako orduetan zerbitzuaren % 100 bermatu dezake, bidaiari gehiago egon baitaitezke", gaineratu du Garraio Agintaritzak.
Nabarmendu duenez, operadore publikoek "osasun-agintariek ezarritako kontrol eta prebentzio neurri guztien alde egiten jarraituko dute, edukiera murriztuko dela bermatuz eta agintariek ezarritako erabiltzaileen arteko urruntzea betez".
Espainiako Garraio Ministerioak duela hiru aste EAEko administrazioen titulartasuneko garraio publikoko operadoreei maskarak emateko konpromisoa hartu zuen, eta horrek eragin duen "kezka" azaldu du Agintaritzak.
Ministerioari bere konpromisoa "premiaz" betetzeko eskatu dio, profesionalei beharrezko babes ekipoak emateko.
Zure interesekoa izan daiteke
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.