EHUko ikasleen % 81entzat "gehiegizkoa" da lan-karga
EHUko Ikasleen Kontseiluak inkesta bat egin du ikasleen artean konfinamenduko lehenengo asteetan, eta emaitzek agerian utzi dute ikasleen gehiengo zabala ez dagoela gustura aurrez aurrekoak ez diren eskolekin.
Koronabirusaren pandemiaren ondorioz martxoaren 12an unibertsitateak ixtea erabaki zutenetik, EHUn ezarri den metodologiaren inguruan ikasleek dituzten zalantzak eta iritziak jaso dituzte galdeketa horretan.
Hori horrela, ikasleen % 81entzat "gehiegizkoa" da irakasleek jartzen dieten lan-karga, eta ia beste hainbeste (% 80) ez dago gustura hezkuntza telematikoarekin.
Horren harira, ikasleen laurdenak baino gehiagok (% 28,24) erantzun dute irakasle guztiak ez direla haiekin harremanetan jarri, eta % 56,82k "soilik ikasgai batzuetan" jaso dituztela online klaseak. Gainera, 1etik 10erako eskala batean, 1 eta 3 artean ezarri dute ikasketa metodologiaren inguruan irakaslearekin lortu duten adostasun maila.
Hala eta guztiz ere, "ikasle ugarik eskerrak eman dizkiete irakasleei, egoera zail honetan egiten ari diren lanagatik", baina sistema nola hobetu daitekeen galdetuta, gehienek erantzun dute "irakasle guztiek" eman beharko lituzketela eskolak bideokonferentziaz.
Ez du aurrez aurrekoa ordezkatzen
Datuak esku artean, Kontseiluak ondorioztatu du "arazo handiena" dela "irakaskuntza telematikoak ez duela behar den bezala ordezkatu aurrez aurreko irakaskuntza", eta horri "gehiegizko lan-karga" gehitu behar zaiola.
Bestalde, gogorarazi dute ikasle askok ez dutela "baliabide egokirik" ikasketak etxean egiteko, eta "ezinegon handia" sortu dela, ez dakitelako "azterketak egingo diren, noiz egingo liratekeen, Erasmusa egin ahal izango duten…". Hori dela eta, "ahal bezain laster" erantzun bat emateko eskatu dute.
Bideokonferentzia gehiago
Kontseiluak hainbat proposamen helarazi dizkio EHUri egungo egoerari ahal den modu egokienean aurre egiteko.
Ikasle guztiek "baliabide teknologikoak" dituztela "bermatzea" eskatu diote EHUri, eta ikasleak "ez behartzea azterketa egiten duten bitartean web-kamerarekin grabatzera", horren ondorioz sor daitezkeen konexio arazoengatik.
"Aurrez aurreko eskolen ordezko bakarrak" bideokonferentziak izatea, "irakaskuntza gidak benetan egokitzea", "etengabeko ebaluazio erreala egitea lanen bitartez", eta lauhileko honetako ikasgaien matrikula itzultzeko aukera ematea eskatzen dute, besteak beste.
EHUko Ikasleen Kontseiluak apirilaren 1etik 5era egin zuen inkesta, eta 9.310 erantzun jaso zituen, matrikulatuta zeudenen % 23,06, hain zuzen ere. 12 galderako sortari erantzuteko, unibertsitateko saioa irekitzeko gakoa sartu behar zen.
Albiste gehiago gizartea
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.
Felix Baumgartner austriarra hil da, 2012an estratosferatik jauzi egiteagatik ezaguna, parapente istripu batean
Muturreko desafioak egiteagatik ezaguna, 2012an mundu mailan egin zen ezaguna estratosferatik salto egiteagatik; munduko hiru errekor ezarri zituen horrela, besteak beste, soinuaren hesia ibilgailurik erabili gabe hautsi zuen lehen pertsona izatea.
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.