Antitaurinoek 250.000 euro eskaini dituzte Iruñeak entzierroei uko egin diezaien
Sanferminetan, urtero egiten diren entzierroen aurka protesta egin ohi duen PETA animalien eskubideen aldeko elkarteak, 250.000 euro eskaini dizkio Iruñeko alkateari, zezenketen ospakizunari "behin betiko" uko egiten badio. Aurten, ordea, jaiak ez dira uztailean ospatuko, koronabirusak eragindako pandemiaren ondorioz hirian hartutako prebentzio-neurriak direla eta.
Hala, 2020ko sanferminak ohiko datan bertan behera geratu direla jakin ostean, PETAk gutun bat bidali dio Enrique Maya Iruñeko alkateari, "hiriari milioi laurden euro eskainiz, entzierro krudelekin eta ondorengo zezenketekin behin betiko amaitzeko konpromisoa hartzen badu", adierazi du kolektiboak ohar baten bidez. Udalak, gutuna jaso duela jakinarazi du.
"Zezenketen industria finantza-arazo larrietan dago, eta gero eta handiagoa da entretenimendurako animaliak ustiatzearen aurkako jarrera. Beraz, espero dut ados egotea Iruñean ikuskizun krudel eta arkaiko honi amaiera emateko garaia dela", esan du Ingrid Newkirk PETAren sortzaileak.
PETAren esanetan, "animaliak ez dira gureak, ezta gu entretenitzeko erabiltzekoak ere", eta Espainiako 100 probintzia eta hiri baino gehiago zezenketen aurka agertu direla nabarmendu du. Alabaina, "Iruñean urtero ospatzen diren San Fermin jaietan, izututa dauden zezenak kale estuetan korrika egitera behartzen dituzte, zezen-plazan heriotza bortitz bat izateko bidean doazela".
Alkateari bidalitako gutunean, Newkirkek bere proposamena onartzea espero duela adierazi du, izan ere, "2021erako San Fermin jaiak elkarrekin prestazen has gaitezke, non herritar guztiek, animaliek eta haien babesleek barne, txalo egingo duten".
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.