Arabarrak balkoietara atera dira San Prudentzio bezperako erretreta ospatzeko
Koronabirusaren pandemia dela eta, San Prudentzio jaiak ospatzeko ekitaldiak bertan behera utzi behar izan dituzte, baina, hala ere, herritarrak etxeko balkoietara eta leihoetara atera dira Arabako patroiaren omenez ohiko erretreta jotzeko.
San Prudentzio bezperan, milaka gasteiztarrek txiki uzten dute plaza erretreta bertatik bertara ikusteko. Aurten ezinezkoa izan da, baina danborrada etxeko balkoietara aterata egin dute, Gasteiz Batera zaintza sarearen ekimenez.
Bi astez aritu dira entseguak egiten, eta, nola ez, Leire Betolaza danborradako zuzendariak ere ekimenarekin bat egin du.
Maite Ruiz de Austri animaziozko filmen zuzendariak, berriz, pregoi birtuala eskaini du, eta zuzeneko konexioa egin du aurreko edizioetako pregoilariarekin.
Ramiro Gonzalez ahaldun nagusiak ere agerraldi telematikoa egin du. Foru Aldundiaren babesa eta elkartasuna helarazi die koronabirusarekin gaixorik daudenei, osasun arloko langileei, etxeetan konfinatuta dauden herritarrei eta pandemiaren ondorio ekonomikoak pairatzen ari diren langileei.
"Jaia zuen etxeetan ospatzeko eta balkoietara eta leihoetara ateratzeko animatzen zaituztet. Bihotzez, onena opa dizuet. Ziur nago arabarrontzat garai hobeak etorriko direla", adierazi du.
Gasteizen ez ezik, Arabako beste hainbat herritan ere irten dira balkoietara erretreta jotzeko.
Laudio eta Amurrioko bizilagunek, adibidez, danborrez gain, lapikoak eta ontziak ere astindu dituzte.
Herritarrek eta eragile sozialek hamaika ekimen jarri dituzte abian, eta Foru Aldundiak horiekin bat egin du. Ezohiko ospakizuna sare sozialetan ere zabaldu da #ArabakoJaiakEtxezEtxe traolarekin.
San Prudentzio egunean, 09:00etan, "Arabako Zortzikoa" interpretatuko dute Jauregi Etxearen eskaileretan, eta, ondoren, Arabako bandera masta erdiraino igoko dute, "Agur Jaunak" abestu bitartean. Ekitaldia amaitzeko, minutu bateko isilunea egingo dute koronabirusak jota hil diren pertsona guztien omenez (1.600 baino gehiago Hego Euskal Herrian eta 338 Araban).
BIDEOA | Iñigo Manuel dantzariak seme-alabekin ospatu du San Prudentzio bezpera
CONTENIDO NO ENCONTRADO
BIDEOA | Erretreta hunkigarria, Gasteizko Arriaga auzoko balkoietatik
CONTENIDO NO ENCONTRADO
BIDEOA | Indarra Kultur Elkarteak San Prudentzioko zortzikoa dantzatu du etxetik
BIDEOA | San Prudentzio bezperan, perretxikoak eta karakolak afaltzeko
Albiste gehiago gizartea
Gas-ihesa gertatu da Bilbo erdigunean, eta trafikoa moztu dute
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa kontrolpean hartu dute. Nolanahi ere, suhiltzaileek eta udaltzainek ingurua hesitu dute.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.