Baratze partikularra lantzea, baimenduta udalerri berean edo aldamenekoan badago
Salvador Illa Osasun ministroak autokontsumora bideratutako baratze partikularrak zaindu ahal izateko agindua sinatu du, landa-eremutik helarazitako aldarrikapenetako bat kontuan hartuta. Izan ere, herritar askok ezintasunez ikusten zuten laboreak artatzera joateko debekua, horiek merkaturatzera bideratuta ez bazeuden.
Diputatuen Kongresuan ordu batzuk lehenago aurreratu bezala, Illak baratze partikularrak lantzera joateko joan-etorriak baimentzen dituen agindua sinatu du, betiere "alboko udalerrian edo udalerri berean" badaude, ministroak zehaztu duenez.
Aginduak "salbuespen bakarra" jasotzen du ondoko udalerritik edo udalerritik atera behar den kasuetarako: "animaliak edo autokontsumorako baratzeak zaindu" behar direnean. Hori bai, Illak zehaztu duenez, "ahalik eta joan-etorri gutxien egin behar dira, eta betiere agintari eskudunek emandako arauen arabera". Baratzean egin beharreko lanak banaka egin beharko dira, adingabeekin edo ezintasunen bat duten pertsonekin batera egiten denean izan ezik.
Arau hori maiatzaren 2an, larunbatean, sartuko da indarrean, eta ez gaur, ministroak Diputatuen Kongresuan egindako agerraldian iragarri bezala.
Joan den apirilaren 22an, Pedro Sanchez Espainiako Gobernuko presidenteak berak aurreratu zuen Gobernuak "laster" erantzungo ziola Maria Chivite eta Javier Lamban Nafarroako eta Aragoiko presidenteek helarazi zioten eskaerari. Sanchezek dio "oso laster" aintzat hartuko duela baratzera joateko baimena emateko eskaera.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.