Aire libreko kultur ekitaldietan ikusleak eserita izatea aztertzen ari da Jaurlaritza

Urkulluk aurreratu duenez, kultur zentroentzat eta ekitaldientzat lantzen ari diren proposamenean, besteak beste, zinema aretoen edukiera erdira jaistea legoke.

BBK Live jaialdia, iaz. Argazkia: Tom Hagen.

AGENTZIAK | ERREDAKZIOA

2020/05/08 - 16:06

Azken eguneratzea

2020/05/08 - 16:54

EAEko udako kultur ekitaldiei ekainaren 1ean ekitea defendatu du Iñigo Urkullu lehendakariak, Eusko Legebiltzarreko Diputazio Iraunkorrean COVID-19ak eragindako krisiaren kudeaketaz azalpenak emateko egin duen agerraldian. Bertan zehaztu duenez, Eusko Jaurlaritzak, hiru aldundiek, hiriburuetako udalek eta Eudel elkartea dokumentu bat adosten ari dira, kultur ekitaldien inguruko neurriak zehazteko. Kultur eragileekin ere, dokumentua partekatzen ari direla gaineratu du.

"Lehentasuna osasun publikoa eta herritarren segurtasuna bermatzea dira. Halaber, kulturaren sektorea ezin dugu sei hilabetez geldirik egotera behartu, ondorioak oso larriak izango liratekeelako", esan du Urkulluk. Mahai gainean duten plangintzak hainbat kultur ekitaldi egitea ahalbidetuko duela esan du lehendakariak.

Aztertzen ari diren irizpide orokorren artean legoke, besteak beste, museoek eta erakusketa-aretoek ekainaren 1ean ateak ireki ahal izatea, edukiera murriztuta eta segurtasun neurri zorrotzak ezarrita.

Arte eszenikoetarako areto itxietan ere edukiera murriztu egingo da, eta ikusleen artean aulkiak hutsik utzi beharko dira, zenbat zehaztu ez badute ere.

Halaber, espazio irekietan egingo diren kultur ekitaldietan ere, edukiera murriztu egingo da, eta ikusleak eserita egongo dira, beharrezko segurtasun tartearekin.

Era berean, zinema-aretoetan erdira jaitsiko da ikusle kopurua, eta gainerako aretoetan bezala, sarrera-irteeretan segurtasun neurri zorrotzak ezarriko dira.

Urkulluk esan duenez, Jaurlaritzako Osasun Departamendua neurriok xehetasunez aztertzen ari da, eta, ondo bidean, datozen egunotan onartuko dute kultur ekitaldientzako irizpideen txostena.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Albiste gehiago gizartea

Bittor Arginzonizen Etxebarri erretegiak munduko bigarren jatetxe onena izaten jarraitzen du

Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.

Abadia Saria jaso du Gure Zirkuak

Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.

Beskoitzek ikastola berria izango du 2026-2027 ikasturtean

Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.

(Foto de ARCHIVO)

The rainbow flag is pictured during opening event of the 'Brussels Pride', Wednesday 07 May 2025 in Brussels. The opening event was organized by Rainbow House. Brussels Pride puts the LGBTQIA+ community in the spotlight by adorning the streets of Brussels with the colors of the rainbow.

Europa Press/Contacto/LOU LAMPAERT

07/5/2025

Ehgamek Bilbao Bizkaia Harro ekimena boikoteatzeko deia egin du

EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.

500 ekitalditik gora antolatu dituzte 2025eko sanferminetarako

Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.

FOTODELDÍA SAN SEBASTIÁN, 17/06/2025.- Vista este martes de la playa de La Concha de San Sebastián. Los cielos en el País Vasco estarán hoy poco nubosos en el País Vasco, los vientos serán flojos y variables, aunque por la mañana se fijarán del norte, las temperaturas mínimas no variarán y las máximas experimentarán un ligero o moderado ascenso. EFE/Javier Etxezarreta

Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik

Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.

Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora

Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.