Termometroak, maskarak eta pantailak: horrela itzuliko dira ikasleak klasera EAEn
Hezkuntza Sailak maskarak, gel hidroalkoholikoak eta termometroak jarriko ditu ikastetxe publikoen eskura aurrez aurreko prestakuntzara itzultzeko, eta, gainera, garbiketa-zerbitzua indartuko du.
Olatz Garamendi Administrazio eta Zerbitzuetako sailburuordeak Hezkuntza Saileko Lan Osasuneko Batzordeak bideokonferentzia bidez egin duen bileran jakinarazi ditu neurri horiek; sindikatuetako eta Laneko Arriskuen Prebentziorako Zerbitzuko ordezkariek ere hartu dute parte bilera horretan.
Eusko Jaurlaritzak azaldu duenez, neurri horiek, Hezkuntza Sailak Osasun Sailarekin koordinatuta aurreikusitakoak, higiene- eta segurtasun-baldintzak bermatzea dute helburu, datorren astetik aurrera hezkuntza-maila jakin batzuetako ikasgeletara itzultzea aurreikusten baita, COVID-19aren pandemiak eragindako geldialdiaren ondoren.
Hain zuzen ere, "Osasun Sailak eta Prebentzio Zerbitzuak funtsezkotzat jotzen dituzten materialak" zentro publikoen esku jarriko dituela iragarri du Eusko Jaurlaritzak.
Horren harian, ikastetxe guztiek irakasleentzako eta langileentzako maskarak izango dituztela azaldu du. "Maskarak orokorrean erabiltzen direnez eta garraio publikoan, adibidez, nahitaez erabili behar direnez", ikasleek ere maskara eraman beharko dute. Hala, "ikastetxeak maskara bat bermatuko du, hainbat arrazoirengatik maskararik ez duten ikasleentzat, ikastetxera sartzeko unean".
Babes-pantaila bat ere emango zaie hala eskatzen duten ikastetxeko hezitzaileei, eta zentroek gel hidroalkoholikoak eta infragorrizko termometro bat izango dituzte.
Era berean, ikastetxeetako garbiketa-zerbitzua indartu egingo da. Zerbitzu horrek arreta berezia jarriko du kontaktu handieneko gainazalak desinfektatzean, hala nola barandak, heldulekuak eta etengailuak, bai eta komunak ere. Hezkuntza Sailak zehaztu duenez, ikastetxe bakoitzak garbiketako langileak izango ditu eskola-orduetan, aipatutako guneen higienea bermatzeko.
Neurri orokorrak
Aurreikusitako prebentzio-neurriak jasotzen dituen azalpen-kartel bat egin da. Bertan, eskola-postuen artean 1,5 metroko segurtasun-tartea ezartzen dela adierazten da. Horrez ondorioz, murriztu egiten da gelako edukiera, eta beharrezkoa izango da maskara erabiltzea. Distantzia hori 2 metrora luzatuko da gainerako eskola-espazioetan.
Bestalde, ikastetxeek itxi egin beharko dituzte erabili nahi ez dituzten guneak, eta arreta berezia jarri eskuak garbitzeko maiztasunari. Ikastetxeko sarrerak eta irteerak modu ordenatuan eta mailakatuan egingo dira, eta taldeen atsedenaldiak ere mailakatuko dira.
Hezkuntza Sailak ezarritako neurrien artean, ikastetxean gehienez ere 5 ordu emateko ordutegi trinkoa izatea dago, eta jantoki-zerbitzua etetea.
Eusko Jaurlaritzak azaldu duenez, Hezkuntza Sailak eta Lan Arriskuen Prebentziorako Zerbitzuak hartutako neurrien jarraipena egingo dute, eta "unean-unean beharrezkoak diren osasun-neurriak bermatzen" jarraituko dute.
Azkenik, Hezkuntza Sailak sindikatuekin "etengabeko harremana" izateko borondatea agertu du, "hezkuntzako profesionalen hezkuntzarako eskubidea eta segurtasun- eta higiene-bermeak zaintzeko".
Hala ere, ELA, LAB, Steilas, CCOO eta UGT sindikatuak haserre agertu dira Eusko Jaurlaritzak ikastetxe bakoitzaren esku utzi duelako maiatzaren 18an aurrez aurreko klaseak hastea edo ez. Hezkuntza Saila arduragabekeriaz jokatzen ari dela salatu dute eta mobilizazioak iragarri dituzte.
Sindikatuak Hezkuntzari: "Aurrean izango gaituzte ikasgeletara itzultzea negoziatzen ez badute". Argazkia: EFE
Erabakitzeko askatasuna
DBHko 4. mailako, Batxilergoko eta Lanbide Heziketako ikasleak datorren astelehenetik aurrera ikasgeletara itzuliko diren ala ez erabakitzeko askatasuna eman die Hezkuntza Sailak ikastetxeei, ikasturtea modu presentzialean amaitzeko, "bakoitza bere hezkuntza-errealitatearen arabera".
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.