Maskarak derrigorrez erabiltzeko agindua asteazken honetan sar daiteke indarrean
Maskarak kalean eta eremu itxietan erabiltzea derrigorrezkoa izango da, pertsonen arteko bi metroko segurtasun distantzia mantendu ezin denean. Orain arte maskaren erabilera garraio publikoan baino ez da izan nahitaezkoa.
Espainiako Gobernuak eta erkidegoetako agintariek astelehenean hartu zuten erabakia eta litekeena da neurria asteazken honetan bertan sartzea indarrean, Salvador Illa Osasun ministroak jakinarazi duenez.
Agindua indarrean sartzeko Espainiako Aldizkari Ofizialean publikatzea baino ez da falta, eta hori asteazken honetan izan daitekeela baieztatu du Illak.
Maskara higienikoak edo kirurgikoak izan beharko dira eta, besteak beste, farmazietan egongo dira eskuragarri.
Illak zehaztu du salbuespenak egongo direla zenbait kolektibotan eta posible izango dela adinagatik edo medikuak hala aginduta, maskararik erabili behar ez izatea. Edonola ere, xehetasun guztiak agindua argitaratzean emango dituztela esan du, "eta hori ziurrenik bihar izango da", berretsi du.
Horrez gain, 10.000 biztanle baino gutxiagoko udalerrietan kalera irteteko ordutegiak kentzeko dekretua datozen egunetan iragarriko dutela esan du.
Bestalde, maskara erabili behar den ala ez zalantza izanez gero, jartzeko gomendioa egin du Fernando Simon Alerta eta Osasun Larrialdietarako zuzendariak.
"Zalantza izanez gero, edozein pertsona arduratsuk maskara jarri beharko luke", adierazi du. Ildo horretan, maskara erabiltzearen helburu nagusia beste pertsona batzuei gaitza kutsatzea eta arriskuan dauden pertsonak babestea dela ekarri du gogora.
Zure interesekoa izan daiteke
Donostiak eta Gasteizek atxilotuen delitu-historiarako sarbidea izango dute
Berrerortzeari aurre egiteko eta segurtasuna indartzeko neurria da, eta udaltzainek Justizia Ministerioaren artxiboetan izango dute atxilotuen aurrekarien berri zuzenean.
Hasi da Elikagaien Bankuen udazkeneko Bilketa Handia
Elikagaien bankuen helburua da ia hutsik dauden biltegiak elikagaiez eta beste produktu batzuez betetzea, gehien behar duten familiei laguntzeko. Gehien behar diren produktuak olioa, haurrentzako elikagaiak, arrain-kontserbak, tomate frijitua edo birrindua eta gosaltzeko produktuak dira. Elikagaien bankuek garbiketarako eta higiene pertsonalerako produktuak ere eskatzen dituzte.
"Zailena hau dena egia bihurtzeko testuingurua sortzea izan da"
Albaola Itsas Kultur Faktoriako arduradun Xabier Agotek esan duenez, Albaola "dimentsio horietako proiektu bati ekiteko beharrezko testuingurua da". "Ezagutza berreskuratzea, azpiegitura sortzea eta zerotik hastea izan da zailena", azaldu du.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Donostiako Udalak garraio publikoa erabiltzeko gomendatu du.
Albiste izango dira: 'San Juan' baleontziaren uretaratzea, Euskadiko angula arrantzaleen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.
Osakidetzak Casillako txertaketa-zentroa itxiko du gaur, Bizkaian gripeak gora egiteari utzi baitio
Kutsatzeen kurba egonkortu da txertaketa-ahaleginari eta immunizazio-maila altuari esker. 447.000 pertsona baino gehiagok hartu dute txertoa azken asteetan EAEn, eta horri esker Bilboko txertodromoa itxi ahal izango da, aurreikusita zegoen bezala.
Bilketa Nagusian ezinbestekoak diren 5 elikagaiak, eta eman zenitzakeenik ez zenekien beste batzuk
Elikagaien Bilketa Nagusia azaroaren 7an eta 8an izango da “Kilo bat enpatia” lelopean. Ekimen horretan, donazio guztiek garrantzi handia dute, eta elikagai jakin batzuk urriak dira.
San Juan baleontzia uretaratuko dute ostiral honetan Pasaian, kroskoa eraikitzeko lanak amaituta
Duela hamarkada bat baino gehiago hasitako proiektua, XVI. mendean Kanadan hondoratutako euskal baleontziaren erreplika fidela da. Jarraitu zuzenean, 15.30etik aurrera, uretaratzea orain.eus-en.
San Juan baleontzia: Atlantikoko uretan berpiztu zen euskal altxorra
XVI. mendean Pasaian eraikitzen ziren ontzi ugarietako bat da San Juan itsasontzia. 1565eko udaberrian, Kanadako kostaldearen aurrean hondoratu zen, eta itsaspean egon zen 400 urtez baino gehiagoz. 1978an ontzia aurkitu zuten, eta, harrezkero, euskal merkataritzari eta itsas ondareari buruzko historiaren adierazgarria da. 12 urteko lanen ostean, Pasaiako Albaola ontziolak baleontzi mitikoaren erreplika uretaratuko du gaur arratsaldean.
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.