Hegoaldean ez da inor hil COVID-19agatik, osasun krisia hasi zenetik lehen aldiz
Koronabirusaren pandemia hasi zenetik lehen aldiz, ez da inor hil COVID-19 gaitzak jota Euskal Autonomia Erkidegoan (EAE) azken 24 orduetan; beraz, orain arte 1.494 pertsona hil dira guztira. Bestetik, 9 kasu berri baieztatu dira PCR proben bidez, Eusko Jaurlaritzako Osasun Sailak igande honetan emandako datuen arabera (bezperako 24:00ak arte bildutakoak).
Osasun Sailak jakitera eman duenez, gaitza atzemateko 2.074 detekzio-proba egin zituzten atzo: 1.914 PCR (une honetan birusa aktibo duzun adierazten du) eta 160 test azkar (igarotako infekzioa adierazten du).
Azken orduetan, 9 kasu atzeman dituzte EAEn PCR proben bidez eta 10 test azkarren bidez. Guztira, 19.386 pertsonari atzeman diote birusa pandemia hasi zenetik.
Datuak lurraldez lurralde ikusita, Araban 2 pertsonak eman dute positibo PCR probetan azken 24 orduetan (3.000 guztira), Bizkaian 7 kasu atzeman dituzte (7.574 guztira) eta Gipuzkoan 0 (2.313 guztira).
Arabako positibo berriak Gasteizen atzeman dituzte: 2. Bizkaian: 5 Bilbon, 1 Amorebieta-Etxanon, 1 Lekeition.
Pandemia hasi zenetik, gainera, EAEn bizi ez diren pertsonengan 589 kasu positibo atzeman dira bertan (0 azken orduetan).
Atzemandako 19 386 kasuetatik % 89,7 sendatu egin dira edo alta eman diete (17 394), % 2,6k gaixo jarraitzen du (498) eta % 7,7a (1.494) hil egin da.
Gaur egun 33 pertsona daude ZIUn.
EAEko RO indizea 0,66koa da.
Nafarroan ere ez da inor hil COVID-19a dela eta azken 24 orduetan. Beraz, hildakoen kopuru orokorrak bere horretan jarraitzen du: 509.
Kutsatu berriak bai, atzeman dituzte: 14 kasu berri PCR probetan (5.219 positibo atzeman dituzte pandemia hasi zenetik PCR bidez. Horiei test azkarren bidez atzemandako beste 3.500 baino kasu gehiago erantsi behar zaizkie, 4 atzokoan.
Atzoko 24:0etan 77 pertsona zeuden ospitaleratuta Nafarroan (bezperan baino 3 gutxiago): 62 plantan, 12 ZIUetan eta 3 etxeko ospitaleratzearekin.
64 osasun langile daude gaur egun kutsatuta (bezperan baino 4 gutxiago).
70 pertsona hil dira COVID-19rekin Espainian
Espainiako Osasun Ministerioak emandako datuen arabera, 70 pertsona hil dira Estatu osoan azken 24 orduetan koronabirusarekin. Aurreko eguneko 48ko zifrarekin alderatuta, igoera da, baina 100eko langatik behera jarraitzen du kopuruak zortzigarren egunez jarraian.
Bestalde, 246 kasu berri atzeman dira PCR probetan.
Katalunian izan dira hildako gehien (31) eta Madrilen ondoren (21).
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.