Babeseko etxe bati uko egitea ez da eskatzaileen zerrendatik kentzeko arrazoi izango
Aurrerantzean babes ofizialeko etxe bati uko egitea ez da eskatzaileen zerrendatik kentzeko arrazoi izango, Etxebizitza Sailak ebazpen batean erabaki berri duenez.
Bilbotar batek Arartekoarengana jo zuen, Udaleko Etxebizitza erakundeak etxebizitza erregistrotik kendu ondoren. Era berean, Bizkaiko Etxebizitza Lurralde Ordezkaritzak Etxebiden automatikoki baja eman zion. Arartekoak herritarrari arrazoia eman dio orain.
Gurasobakarreko familia osatzen zuela azaldu zuen herritarrak. Udaleko Etxebizitza erakundeak babes ofizialeko etxebizitza bat alokairuan eman zion (52 metro karratu eta hilean 335 euro). Hasierako hornidura eta komunitate gastuak gehitu behar zitzaizkion.
Azken 20 urteetan merkatu pribatuko etxebizitza bateko maizter zela azaldu zion herritarrak erakundeari, eta hilean 300 euro ordaintzen zituela.
Bere egoera ekonomiko "zaila" deskribatu eta egiaztatu zuen. Lanaldi erdia, diru-sarrerak bermatzeko errenta eta etxebizitzarako diru-laguntza osagarria jasotzen ari zen. Horrela, Udaleko Etxebizitza erakundearen proposamena egokia ez zela iruditu zitzaion, "bere ekonomiaren eta zaintzapean duen adingabearen kalterako". Ondorioz, eskaintzari uko egin zion, baina eskatzaileen zerrendan jarraitzea eskatu zuen.
Udalak ez zituen herritarraren argudioak onartu eta baja eman zion, "arrazoi objektiborik" ez zegoelako. Era berean, Lanbidek diru-sarrerak bermatzeko errenta eta etxebizitzarako diru-laguntza bertan behera utzi zizkion.
Arartekoak Bilboko Udalari eta Eusko Jaurlaritzako Etxebizitza Sailari laguntza eskatu zien. Etxebizitza eskatzaileen udal zerrendatik kentzen dituzten pertsonei Etxebiden automatikoki baja ematen zaizkiela erantzun zuen Sailak.
Etxebizitza Sailak, ostera, oraintsu irizpidez aldatu duela jakinarazi zion Arartekoari. Horrela, eskatzaile bilbotarraren baja eraginik gabe uzteko ebazpena onartu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.