EAEko herritarren % 80k uste du Euskadi krisi ekonomikoan murgilduta dagoela
EAEko herritarren % 80k uste du Euskadi krisi ekonomikoan murgilduta dagoela, eta % 43k ohartarazi dute urtebete barru egoera "okerragoa" izango dela. Era berean, koronabirusa egun pairatzen duten "arazo nagusitzat" jotzen dute, egoera ekonomikoaren atzetik.
Deustuko Unibertsitateak ostiral honetan argitaratu ditu inkestaren 14. edizioaren emaitzak. Oraingoan, EAEko gizarteak koronabirusaren pandemian izandako jarreran, pertzepzioan eta haien bizitzetan izandako ondorioetan oinarritu da.
DeustoBarometroa maiatzaren 5etik 15era bitartean Euskal Autonomia Erkidegoko 18 urtetik gorakoen artean egindako ikerketari esker gauzatu da. Guztira 1.004 elkarrizketa egin dira, eta % 3,09ko errore-tartea eskaintzen du.
Jasotako datuen arabera, EAEko herritarrek 'pandemia-koronabirusa' (% 62,5) dute hiru arazo garrantzitsuenen artean, eta atzetik datoz egoera ekonomikoa (% 38,9) eta langabezia (% 37,5). Osasuna (% 18,7) eta lan-baldintzak (% 14,1) ere lehenengo bost postuen artean daude. Kataluniako "gatazka politikoak", aldiz, % 0,2 baino ez ditu kezkatzen.
Halaber, EAEko herritarren % 48,7k egoera ekonomikoa "erregulartzat" jo dute, % 32,2k "ontzat" eta % 12,6k "txartzat". Testuinguru horretan, inkesta egin dutenen % 35,4k ohartarazi dute koronabirusak bere egoera ekonomiko pertsonalean izango duen eragina "negatiboa baina iragankorra" izango dela; % 26,7k, berriz, "negatiboa" dela uste dute, eta baliteke "iraunkorra" izatea. Aitzitik, % 28,9k dio ez duela eraginik izango eta % 4k baino gehiagok "positibotzat" jo du.
Ondorioz, % 43,6k uste dute Euskadiren egoera ekonomikoa "okerragoa" izango dela urtebete barru; % 34,6k, berriz, uste dute "berdin" egongo dela, eta % 16,3k uste dute hobera egingo duela. Gainera, hamarretik zortzik diote Euskadi krisi ekonomiko berri batean murgildu dela.
Krisiak bizi-baldintzetan izan duen eraginari dagokionez, egoera ekonomikoa dela-eta euskal herritarrek azken hilabeteetan egin ez dituzten ekintza nagusien artean daude arropa edo oinetakoak ez erostea, dentistarengana joateari uztea eta elikaduran gastuak murriztea.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.